ബാൻഫ് ദേശീയ പാർക്കിൽ കൊയോട്ടികളുടെ ശല്യം രൂക്ഷമായതിനെത്തുടർന്ന് ജാഗ്രതാ നിർദ്ദേശം പുറപ്പെടുവിച്ച് അധികൃതർ

 

ബാൻഫ് ദേശീയ പാർക്കിൽ അക്രമകാരികളായ കൊയോട്ടികളുടെ ശല്യം രൂക്ഷമായതിനെത്തുടർന്ന് അധികൃതർ ജാഗ്രതാ നിർദ്ദേശം പുറപ്പെടുവിച്ചു. പ്രദേശവാസികളും സന്ദർശകരും അതീവ ജാഗ്രത പാലിക്കണമെന്ന് പാർക്സ് കാനഡ അറിയിച്ചു. ബോ ഫാൾസ് ട്രയൽ, ഗ്ലെൻ അവന്യൂ, ഗ്ലെൻ ക്രെസെൻ്റ്, സ്പ്രേ അവന്യൂ എന്നീ പ്രദേശങ്ങളിലാണ് പ്രധാനമായും ജാഗ്രതാ നിർദ്ദേശം നൽകിയിരിക്കുന്നത്. ഇനിയൊരു അറിയിപ്പ് ഉണ്ടാകുന്നതുവരെ ഇത് നിലവിലുണ്ടാകും.

കൊയോട്ടികളുടെ അക്രമസ്വഭാവം കണക്കിലെടുത്ത് ബാൻഫ് ടൗൺസൈറ്റിലെ ചില പ്രദേശങ്ങൾ താൽക്കാലികമായി അടച്ചുപൂട്ടിയിട്ടുണ്ട്. പുറത്തിറങ്ങുന്നവരും സൈക്ലിംഗ് നടത്തുന്നവരും എപ്പോഴും ജാഗ്രത പാലിക്കണം. വളർത്തുമൃഗങ്ങളെ നിർബന്ധമായും ബെൽറ്റിൽ കെട്ടി മാത്രമേ പുറത്തിറക്കാവൂ. കൊയോട്ടികൾക്ക് യാതൊരു കാരണവശാലും ഭക്ഷണം നൽകാനോ അവയുമായി അടുക്കാൻ ശ്രമിക്കാനോ പാടില്ല. ഇവയെ അഭിമുഖീകരിക്കേണ്ടി വന്നാൽ പരിഭ്രാന്തരാകാതെ, ബഹളം വെക്കാതെ പതുക്കെ പിന്നോട്ട് മാറണമെന്നും നിർദ്ദേശമുണ്ട്. കൊയോട്ടികളെ കാണുകയോ അവയുടെ അക്രമസ്വഭാവം ശ്രദ്ധയിൽപ്പെടുകയോ ചെയ്താൽ ഉടൻ തന്നെ ബാൻഫ് ഡിസ്പാച്ചിൽ (403-762-1470) വിവരമറിയിക്കണം. വേനൽക്കാലത്തിൻ്റെ തുടക്കമായതിനാൽ കൂടുതൽ സന്ദർശകർ എത്തുന്ന സമയമാണിത്. അതിനാൽ പൊതുജനങ്ങളുടെ പൂർണ്ണ സഹകരണം അത്യാവശ്യമാണെന്ന് അധികൃതർ വ്യക്തമാക്കി