നിലവിലെ സെനറ്റര് ജോണ് കോര്ണിനെ പരാജയപ്പെടുത്തി കെന് പാക്സ്റ്റണ് റിപ്പബ്ലിക്കന് പാര്ട്ടി സ്ഥാനാര്ഥി
By: 600002 On: May 27, 2026, 10:47 AM
ഓസ്റ്റിന്: ടെക്സസ്സില് ചൊവ്വാഴ്ച രാത്രി നടന്ന റിപ്പബ്ലിക്കന് റണ്-ഓഫ് പ്രൈമറിയില് അറ്റോര്ണി ജനറല് കെന് പാക്സ്റ്റണ് നിലവിലെ സെനറ്ററും മുതിര്ന്ന നേതാവുമായ ജോണ് കോര്ണിനെ പരാജയപ്പെടുത്തി. 23 വര്ഷമായി കോണ്ഗ്രസ് അംഗമായിരുന്ന കോര്ണിന്റെ പരാജയം റിപ്പബ്ലിക്കന് പാര്ട്ടിയില് വലിയ രാഷ്ട്രീയ ചലനമാണ് ഉണ്ടാക്കിയിരിക്കുന്നത്. ഡൊണാള്ഡ് ട്രംപിന്റെ പിന്തുണയോടെയാണ് പാക്സ്റ്റണ് ഈ വിജയം നേടിയത്.
വരുന്ന നവംബറില് നടക്കുന്ന പൊതുതെരഞ്ഞെടുപ്പില് ഡെമോക്രാറ്റിക് സ്ഥാനാര്ത്ഥി ജെയിംസ് തലാരിക്കോയുമായാണ് പാക്സ്റ്റണ് ഏറ്റുമുട്ടുക. യു.എസ്. സെനറ്റിന്റെ നിയന്ത്രണം ആര്ക്കെന്ന് നിശ്ചയിക്കുന്നതില് ഈ മത്സരഫലം നിര്ണായകമാകും.