മധു കൊലപാതക കേസ്: 12 പ്രതികള്ക്ക് ജീവപര്യന്തം
By: 600002 On: May 25, 2026, 2:39 PM
അട്ടപ്പാടിയില് മധുവിനെ ആള്ക്കൂട്ടം മര്ദ്ദിച്ചുകൊലപ്പെടുത്തിയ സംഭവത്തില് 12 പ്രതികള്ക്ക് ജീവപര്യന്തം ശിക്ഷ. രണ്ട് മുതല് 15 വരെയുള്ള പ്രതികള്ക്കാണ് ജീവപര്യന്തം. പതിനാറാം പ്രതിയുടെ ശിക്ഷ ഉയര്ത്തണമെന്ന പ്രോസിക്യൂഷന് ആവശ്യം കോടതി അംഗീകരിച്ചിരുന്നു. പ്രതിക്ക് ഒരു വര്ഷം തടവ് വിധിച്ചു. കേസില് ഒന്നാം പ്രതി മേച്ചേരില് ഹുസൈനെ ഹൈക്കോടതി വെറുതെവിട്ടിരുന്നു. നാലാം പ്രതി അനീഷ്, പതിനൊന്നാം പ്രതി അബ്ദുല് കരീം എന്നിവരെ വെറുതെ വിട്ട വിചാരണാ കോടതി നടപടി ഹൈക്കോടതി ശരിവച്ചിരുന്നു.
2018 ഫെബ്രുവരി 22നായിരുന്നു പാലക്കാട് അട്ടപ്പാടി ചിണ്ടക്കി ഊരിലെ മല്ലന്റെയും മല്ലിയുടെയും 27-കാരനായ മകന് മധുവിനെ അരിയും പലചരക്ക് സാധാനങ്ങളും മോഷ്ടിച്ചെന്നാരോപിച്ച്, ആള്ക്കൂട്ടം അതിക്രൂരമായി മര്ദിച്ച് കൊലപ്പെടുത്തുകയായിരുന്നു. 2018 മെയ് 20-ന് കുറ്റം നടന്ന് 90 ദിവസത്തിനകം അഗളി പൊലീസ് മണ്ണാര്ക്കാട് പ്രത്യേക കോടതിയില് 16 പേരെ പ്രതികളാക്കിയാണ് കുറ്റപത്രം സമര്പ്പിച്ചത്.