കാലിഫോര്ണിയ ഉപഭോക്തൃ സംരക്ഷണ ഏജന്സി തലവനായി രോഹിത് ചോപ്രയെ ഗവര്ണര് നിയമിച്ചു
By: 600002 On: May 15, 2026, 9:25 AMപി പി ചെറിയാന്
സാന് ഫ്രാന്സിസ്കോ: കാലിഫോര്ണിയയില് പുതുതായി രൂപീകരിച്ച ഉപഭോക്തൃ സംരക്ഷണ ഏജന്സിയുടെ തലവനായി ഇന്ത്യന് വംശജനായ രോഹിത് ചോപ്രയെ ഗവര്ണര് ഗാവിന് ന്യൂസം നിയമിച്ചു. ഫെഡറല് കണ്സ്യൂമര് ഫിനാന്ഷ്യല് പ്രൊട്ടക്ഷന് ബ്യൂറോയുടെ മുന് ഡയറക്ടറായിരുന്നു ഇദ്ദേഹം.
ജൂലൈ 1-ന് പ്രവര്ത്തനം ആരംഭിക്കുന്ന 'കാലിഫോര്ണിയ ബിസിനസ് ആന്ഡ് കണ്സ്യൂമര് സര്വീസസ് ഏജന്സി'യുടെ പ്രഥമ സെക്രട്ടറിയായാകും ചോപ്ര ചുമതലയേല്ക്കുക.
സെനറ്റര് എലിസബത്ത് വാറന്റെ ശിഷ്യനായ ചോപ്രയെ കഴിഞ്ഞ വര്ഷം പ്രസിഡന്റ് ഡൊണാള്ഡ് ട്രംപ് ഫെഡറല് സ്ഥാനത്തുനിന്ന് നീക്കിയിരുന്നു. ബാങ്കുകള്ക്കും വന്കിട ടെക് കമ്പനികള്ക്കുമെതിരെ ശക്തമായ നിലപാടുകള് സ്വീകരിക്കുന്ന വ്യക്തിയാണ് ഇദ്ദേഹം.
ഫെഡറല് തലത്തില് ഉപഭോക്തൃ നിയമങ്ങളില് മാറ്റം വരുന്ന സാഹചര്യത്തില്, കാലിഫോര്ണിയയിലെ സാധാരണക്കാരുടെയും ചെറുകിട വ്യാപാരികളുടെയും താല്പ്പര്യങ്ങള് സംരക്ഷിക്കാനാണ് ഈ നീക്കമെന്ന് ഗവര്ണര് പറഞ്ഞു. ചോപ്രയെ 'ശക്തനും നിര്ഭയനുമായ' നേതാവെന്നാണ് അദ്ദേഹം വിശേഷിപ്പിച്ചത്.
കുടുംബങ്ങളെയും ചെറുകിട ബിസിനസ്സുകളെയും ചൂഷണങ്ങളില് നിന്ന് സംരക്ഷിക്കുന്നതില് കാലിഫോര്ണിയ വിട്ടുവീഴ്ച ചെയ്യില്ലെന്ന് നിയമനത്തിന് പിന്നാലെ ചോപ്ര പ്രതികരിച്ചു.