ഡാളസ് മോര്ണിംഗ് ന്യൂസ് തങ്ങളുടെ വാര്ഷിക പുരസ്കാരങ്ങള് പ്രഖ്യാപിച്ചു
By: 600002 On: May 1, 2026, 10:46 AM
പി പി ചെറിയാന്
ഡാളസ്: ഡാളസ് മോര്ണിംഗ് ന്യൂസ് തങ്ങളുടെ വാര്ഷിക പുരസ്കാരങ്ങള് പ്രഖ്യാപിച്ചു. മികച്ച മാധ്യമപ്രവര്ത്തനം നടത്തിയ 15 പേരെയാണ് ചടങ്ങില് ആദരിച്ചത്.
ബ്രേക്കിംഗ് ന്യൂസ്, കമ്മ്യൂണിറ്റി വര്ക്ക്, ഇന്വെസ്റ്റിഗേറ്റീവ് റിപ്പോര്ട്ടിംഗ് തുടങ്ങി വിവിധ വിഭാഗങ്ങളില് മികച്ച പ്രകടനം കാഴ്ചവെച്ച റിപ്പോര്ട്ടര്മാര്, എഡിറ്റര്മാര്, വിഷ്വല് ജേണലിസ്റ്റുകള് എന്നിവരെയാണ് തിരഞ്ഞെടുത്തത്.
പബ്ലിഷറും സി.ഇ.ഒ-യുമായ ഗ്രാന്റ് മോയിസ്, എക്സിക്യൂട്ടീവ് എഡിറ്റര് കോളിന് മക്കെയ്ന് നെല്സണ് എന്നിവര് പുരസ്കാരങ്ങള് വിതരണം ചെയ്തു.
സത്യസന്ധതയും സര്ഗ്ഗാത്മകതയും നിലനിര്ത്തിക്കൊണ്ട് സമൂഹത്തില് മാറ്റങ്ങള് കൊണ്ടുവരുന്ന മാധ്യമപ്രവര്ത്തനത്തെ ആഘോഷിക്കുക എന്നതാണ് ഈ ചടങ്ങിന്റെ ലക്ഷ്യമെന്ന് കോളിന് മക്കെയ്ന് നെല്സണ് പറഞ്ഞു.
ക്രിസ്റ്റഫര് വിന് 'റോബര്ട്ട് ഡബ്ല്യു. ഡെഷര്ഡ് അവാര്ഡ് ഫോര് സിവിക് ജേണലിസം' കരസ്ഥമാക്കി.
രാജ്യത്തിന്റെ വിവിധ ഭാഗങ്ങളില് നിന്നുള്ള പ്രമുഖ മാധ്യമപ്രവര്ത്തകര് അടങ്ങുന്ന പാനലാണ് വിജയികളെ തിരഞ്ഞെടുത്തത്.