പുതിയ കാർ വാങ്ങുകയാണോ? കാനഡയിൽ ഈ സുരക്ഷാ ഫീച്ചറുകൾ സൗജന്യമായി ലഭിക്കേണ്ടവയാണ്; അധിക പണം നൽകേണ്ടതില്ല

കാനഡയിൽ പുതിയ കാറുകൾ വാങ്ങുന്നവർ ശ്രദ്ധിക്കുക. വാഹനങ്ങളിലെ പല അത്യാധുനിക സുരക്ഷാ ഫീച്ചറുകളും നിയമപരമായി തന്നെ നിർബന്ധമാക്കിയിട്ടുള്ളവയാണ്. അതിനാൽ ഇവയ്ക്ക് പ്രത്യേകമായി പണം ഈടാക്കാൻ കമ്പനികൾക്ക് അവകാശമില്ല. ബാക്കപ്പ് ക്യാമറകൾ മുതൽ എഞ്ചിൻ ഇമ്മൊബിലൈസറുകൾ വരെയുള്ള ഫീച്ചറുകൾ ഇപ്പോൾ കാനഡയിൽ വിൽക്കുന്ന എല്ലാ പുതിയ വാഹനങ്ങളിലും അടിസ്ഥാനപരമായി ഉണ്ടായിരിക്കണം.

2018 മെയ് ഒന്ന് മുതൽ കാനഡയിൽ വിൽക്കുന്ന എല്ലാ കാറുകളിലും റിവേഴ്സ് ക്യാമറ നിർബന്ധമാണ്. വാഹനം തെന്നിമാറുന്നത് തടയാനുള്ള ഇലക്ട്രോണിക് സ്റ്റെബിലിറ്റി കൺട്രോൾ  2011 മുതൽ നിയമപരമായ ആവശ്യകതയാണ്. വഴുക്കലുള്ള റോഡുകളിൽ ടയറുകൾക്ക് മികച്ച ഗ്രിപ്പ് നൽകുന്ന ഈ സംവിധാനവും 2011 മുതൽ നിർബന്ധമാണ്. പെട്ടെന്ന് ബ്രേക്ക് ഇടുമ്പോൾ ടയറുകൾ ലോക്ക് ആയിപ്പോകുന്നത് തടയുന്ന ABS, 2012 മുതൽ എല്ലാ വാഹനങ്ങളിലും ഉണ്ടായിരിക്കണം.

ശരിയായ താക്കോലില്ലാതെ വാഹനം സ്റ്റാർട്ട് ആകുന്നത് തടയുന്ന ഈ ആൻ്റി-തെഫ്റ്റ് സംവിധാനം 2007 മുതൽ കാനഡയിൽ നിർബന്ധമാണ്.  കാനഡയിലെ നിയമമനുസരിച്ച് എയർബാഗുകളും ടയർ പ്രഷർ മോണിറ്ററിംഗ് സിസ്റ്റവും നിർബന്ധമല്ല . എങ്കിലും, യുഎസ് വിപണി കൂടി ലക്ഷ്യമിട്ട് നിർമ്മിക്കുന്നതിനാൽ കാനഡയിൽ വിൽക്കുന്ന മിക്കവാറും എല്ലാ കാറുകളിലും എയർബാഗുകൾ ഉൾപ്പെടുത്താറുണ്ട്.  

പല കമ്പനികളും ഇലക്ട്രോണിക് സ്റ്റെബിലിറ്റി കൺട്രോളിനെ 'StabiliTrak' അല്ലെങ്കിൽ 'AdvanceTrac' എന്നിങ്ങനെയുള്ള ആകർഷകമായ പേരുകളിൽ ബ്രാൻഡ് ചെയ്ത് വലിയ ഫീച്ചറുകളായി അവതരിപ്പിക്കാറുണ്ട്. എന്നാൽ പേര് എന്തുതന്നെയായാലും ഇത്തരം ഫീച്ചറുകൾ കാനഡയിലെ നിയമപ്രകാരം ഉപഭോക്താവിന് ലഭിക്കേണ്ട അവകാശമാണ്. പുതിയ വാഹനം വാങ്ങുമ്പോൾ ഇത്തരം വിവരങ്ങൾ അറിഞ്ഞിരിക്കുന്നത്, കമ്പനികൾ നൽകുന്ന വാഗ്ദാനങ്ങൾ വെറും പരസ്യമാണോ അതോ നിയമപരമായ അവകാശമാണോ എന്ന് തിരിച്ചറിയാൻ നിങ്ങളെ സഹായിക്കും.