യുഎസ്-ഇറാന് ചര്ച്ചകള്ക്ക് തിരിച്ചടി: പാകിസ്ഥാന് സന്ദര്ശനം ട്രംപ് റദ്ദാക്കി
By: 600002 On: Apr 26, 2026, 10:02 AM
പി പി ചെറിയാന്
വാഷിംഗ്ടണ് ഡി സി: യുഎസ്-ഇറാന് ചര്ച്ചകള്ക്ക് തിരിച്ചടി: പാകിസ്ഥാന് സന്ദര്ശനം ട്രംപ് റദ്ദാക്കി. ഇറാന് വിദേശകാര്യമന്ത്രി അബ്ബാസ് അരാഗ്ചി പാകിസ്ഥാന് സന്ദര്ശനം പൂര്ത്തിയാക്കി മടങ്ങിയതിന് പിന്നാലെ, യുഎസ് പ്രതിനിധി സംഘത്തിന്റെ ഇസ്ലാമാബാദ് യാത്ര പ്രസിഡന്റ് ട്രംപ് റദ്ദാക്കി.
യുഎസ് പ്രത്യേക പ്രതിനിധി സ്റ്റീവ് വിറ്റ്കോഫ്, ട്രംപിന്റെ മരുമകന് ജാറെഡ് കുഷ്നര് എന്നിവര് ശനിയാഴ്ച പാകിസ്ഥാനിലേക്ക് പോകേണ്ടതായിരുന്നു. എന്നാല് യാത്രാസമയം പാഴാക്കാന് ആഗ്രഹിക്കുന്നില്ലെന്നും ഇനി ഫോണിലൂടെ ചര്ച്ചകള് തുടരാമെന്നും ട്രംപ് വ്യക്തമാക്കി.
യുഎസ് സംഘം എത്തുന്നതിന് തൊട്ടുമുമ്പ് ഇറാന് വിദേശകാര്യമന്ത്രി അബ്ബാസ് അരാഗ്ചി പാകിസ്ഥാനില് നിന്ന് മടങ്ങി. യുഎസ് പ്രതിനിധികളുമായി നേരിട്ടുള്ള കൂടിക്കാഴ്ചയ്ക്ക് പദ്ധതിയൊന്നുമില്ലെന്ന് ഇറാന് നേരത്തെ അറിയിച്ചിരുന്നു.
യാത്ര റദ്ദാക്കിയതിന് പിന്നാലെ ഇറാന് കൂടുതല് മെച്ചപ്പെട്ട ചില നിര്ദ്ദേശങ്ങള് മുന്നോട്ട് വെച്ചതായി ട്രംപ് അവകാശപ്പെട്ടു. എങ്കിലും ഇത് ചര്ച്ചകള് പൂര്ത്തിയാക്കാന് പര്യാപ്തമല്ലെന്ന് അദ്ദേഹം കൂട്ടിച്ചേര്ത്തു.
പശ്ചാത്തലം: ഇസ്രായേലും ലെബനനിലെ ഹിസ്ബുള്ളയും തമ്മിലുള്ള വെടിനിര്ത്തല് നീട്ടാനുള്ള ശ്രമങ്ങള്ക്കിടയിലാണ് ഈ നയതന്ത്ര നീക്കങ്ങള്. ഇറാന് തുറമുഖങ്ങളിലെ യുഎസ് നാവിക ഉപരോധം നീക്കാതെ ചര്ച്ചകളില് പുരോഗതി ഉണ്ടാവില്ലെന്ന നിലപാടിലാണ് ഇറാന്.
മധ്യേഷ്യയിലെ സംഘര്ഷം അവസാനിപ്പിക്കാനുള്ള നീക്കങ്ങള് തുടരുന്നതിനിടെയാണ് നാടകീയമായ ഈ മാറ്റങ്ങള് ഉണ്ടായിരിക്കുന്നത്.