അമേരിക്കയുടെ 250-ാം വാര്ഷികം: 395-ാമത് ആര്മി ബാന്ഡിന്റെ സംഗീത വിരുന്ന്
By: 600002 On: Apr 12, 2026, 6:41 PM
പി പി ചെറിയാന്
ഒക്ലഹോമ സിറ്റി: അമേരിക്കന് സ്വാതന്ത്ര്യ പ്രഖ്യാപനത്തിന്റെ 250-ാം വാര്ഷികാഘോഷങ്ങളുടെ ഭാഗമായി ഒക്ലഹോമ ഹിസ്റ്ററി സെന്ററില് 395-ാമത് ആര്മി ബാന്ഡ് ഉജ്ജ്വലമായ സംഗീത പരിപാടി അവതരിപ്പിച്ചു. 'അമേരിക്ക 250' എന്ന് പേരിട്ടിരിക്കുന്ന ഈ ആഘോഷം രാജ്യത്തിന്റെ ചരിത്രപരമായ നേട്ടത്തെ അനുസ്മരിക്കുന്നതാണ്.
ദേശഭക്തി ഗാനങ്ങളും ആധുനിക സംഗീത ശൈലികളും കോര്ത്തിണക്കിയ പരിപാടിയില് സൈനിക പാരമ്പര്യവും കലാപരമായ മികവും ഒത്തുചേര്ന്നു. മസ്റ്റാങ് ആസ്ഥാനമായി പ്രവര്ത്തിക്കുന്ന ഈ ബാന്ഡ് അമേരിക്കയിലെ 13 ആര്മി റിസര്വ് ബാന്ഡുകളില് ഒന്നാണ്. ആരോഗ്യരംഗത്തും വിദ്യാഭ്യാസ മേഖലയിലും ജോലി ചെയ്യുന്ന സാധാരണക്കാരായ സൈനികരാണ് ഇതിലെ അംഗങ്ങള് എന്നത് ഈ ബാന്ഡിന്റെ പ്രത്യേകതയാണ്.
എല്ലാ പ്രായക്കാര്ക്കും ആസ്വദിക്കാവുന്ന തരത്തില് ഒരുക്കിയ ഈ കലാവിരുന്ന് രാജ്യത്തോടുള്ള ആദരവും സമൂഹത്തിന്റെ ഐക്യവും വിളിച്ചോതുന്നതായിരുന്നു.