സവിതയുടെ സ്മരണയ്ക്കായി ടെക്സസ് സര്വകലാശാലയില് സ്കോളര്ഷിപ്പ് ഫണ്ട് രൂപീകരിക്കുന്നു
By: 600002 On: Apr 9, 2026, 11:36 AM
പി പി ചെറിയാന്
ടെക്സാസ്: കഴിഞ്ഞ മാര്ച്ചില് ഓസ്റ്റിനിലെ വെടിവെപ്പില് കൊല്ലപ്പെട്ട ഇന്ത്യന് വംശജയായ വിദ്യാര്ത്ഥിനി സവിത ഷണ്മുഖസുന്ദരത്തിന്റെ സ്മരണയ്ക്കായി സ്കോളര്ഷിപ്പ് ഫണ്ട് വരുന്നു. സവിതയുടെ കുടുംബവും സുഹൃത്തുക്കളും ചേര്ന്ന് നടത്തുന്ന ഈ സംരംഭത്തിന് ടെക്സസ് സര്വകലാശാല പൂര്ണ്ണ പിന്തുണ പ്രഖ്യാപിച്ചിട്ടുണ്ട്.
സാമ്പത്തികമായി പിന്നാക്കം നില്ക്കുന്ന മിടുക്കരായ വിദ്യാര്ത്ഥികളെ സഹായിക്കുക എന്നതാണ് ഈ എന്ഡോവ്മെന്റിന്റെ ലക്ഷ്യം. സവിതയുടെ വിദ്യാഭ്യാസത്തോടുള്ള താല്പ്പര്യവും സേവനമനോഭാവവും മുന്നിര്ത്തിയാണ് ഇത് രൂപീകരിച്ചിരിക്കുന്നത്.
5 ലക്ഷം ഡോളര് സമാഹരിക്കാനാണ് ലക്ഷ്യമിടുന്നത്. ഇതിന് തുല്യമായ തുക യൂണിവേഴ്സിറ്റി കൂടി നല്കുന്നതോടെ 10 ലക്ഷം ഡോളറിന്റെ (1 മില്യണ്) വലിയൊരു നിധി രൂപപ്പെടും. ഇത് പ്രതിവര്ഷം 8 മുതല് 10 വരെ വിദ്യാര്ത്ഥികള്ക്ക് സഹായകരമാകും.
യൂണിവേഴ്സിറ്റി ഓഫ് ടെക്സസിലെ ബിസിനസ് സ്കൂളില് സീനിയര് വിദ്യാര്ത്ഥിനിയായിരുന്നു 21-കാരിയായ സവിത. ഇന്ത്യന് സ്റ്റുഡന്റ്സ് അസോസിയേഷന് എക്സിക്യൂട്ടീവ് ബോര്ഡ് അംഗമായും സവിത പ്രവര്ത്തിച്ചിരുന്നു.
മാര്ച്ച് 1-ന് ഓസ്റ്റിനിലെ സിക്സ്ത് സ്ട്രീറ്റിലുണ്ടായ വെടിവെപ്പിലാണ് സവിത കൊല്ലപ്പെട്ടത്. സംഭവത്തില് സവിതയുള്പ്പെടെ മൂന്ന് പേര് മരിക്കുകയും 14 പേര്ക്ക് പരിക്കേല്ക്കുകയും ചെയ്തിരുന്നു.
സവിതയുടെ ഓര്മ്മകള് നിലനിര്ത്താനും ഭാവി തലമുറയ്ക്ക് പഠനത്തിനുള്ള വഴി തുറക്കാനും ഈ സ്കോളര്ഷിപ്പ് ഉപകരിക്കുമെന്ന് സര്വകലാശാല അധികൃതരും കുടുംബവും പ്രത്യാശ പ്രകടിപ്പിച്ചു.