കാൽഗറിയിൽ കാറ്റലിറ്റിക് കൺവെർട്ടർ മോഷണം വ്യാപകമാകുന്നു: വിലപിടിപ്പുള്ള ലോഹങ്ങൾക്കായി വേട്ട

കാൽഗറി നഗരത്തിൽ വാഹനങ്ങളുടെ കാറ്റലിറ്റിക് കൺവെർട്ടറുകൾ കവരുന്ന സംഘങ്ങൾ സജീവമാകുന്നു. അന്താരാഷ്ട്ര വിപണിയിൽ ലോഹങ്ങൾക്ക് വില വർദ്ധിച്ചതാണ് മോഷണം പെരുകാൻ പ്രധാന കാരണമെന്ന് കാൽഗറി പോലീസ് അറിയിച്ചു. വാഹനങ്ങളുടെ പുകക്കുഴലുമായി ബന്ധിപ്പിച്ചിട്ടുള്ള ഭാഗമാണ് കാറ്റലിറ്റിക് കൺവെർട്ടറുകൾ. ഇവയിൽ അടങ്ങിയിരിക്കുന്ന പ്ലാറ്റിനം, പലാഡിയം, റോഡിയം തുടങ്ങിയ വിലപിടിപ്പുള്ള ലോഹങ്ങളാണ് മോഷ്ടാക്കളെ ആകർഷിക്കുന്നത്. മിനിറ്റുകൾക്കുള്ളിൽ വാഹനത്തിൽ നിന്ന്  മുറിച്ചുമാറ്റി കൺവെർട്ടറുകൾ കടത്തുന്ന രീതിയാണ് സംഘം പിന്തുടരുന്നത്.

പാർക്കിംഗ് ലോട്ടുകൾ, താമസസ്ഥലങ്ങൾ, ജോലിസ്ഥലങ്ങൾ എന്നിവിടങ്ങളിൽ പാർക്ക് ചെയ്തിരിക്കുന്ന വാഹനങ്ങൾ വ്യാപകമായി ആക്രമിക്കപ്പെടുന്നുണ്ട്. മോഷണം നടന്ന വാഹനങ്ങൾ നന്നാക്കാൻ ഉടമകൾക്ക് ലക്ഷക്കണക്കിന് രൂപ ചിലവാകുന്നുണ്ട്. മോഷണം തടയാൻ പട്രോളിംഗ് ശക്തമാക്കിയിട്ടുണ്ട്. ആക്രി കച്ചവടക്കാരുമായി ചേർന്ന് മോഷ്ടിച്ച ഭാഗങ്ങൾ കണ്ടെത്താനുള്ള ശ്രമത്തിലാണ് അധികൃതർ.

വാഹന ഉടമകൾ കൂടുതൽ ജാഗ്രത പാലിക്കണമെന്ന് പോലീസ് നിർദ്ദേശിച്ചു. വെളിച്ചമുള്ള സ്ഥലങ്ങളിൽ വാഹനം പാർക്ക് ചെയ്യുക, സെക്യൂരിറ്റി ക്യാമറകൾ സ്ഥാപിക്കുക, കൺവെർട്ടറുകളിൽ തിരിച്ചറിയൽ നമ്പറുകൾ രേഖപ്പെടുത്തുക എന്നിവയാണ് പ്രതിരോധ നടപടികളായി ചൂണ്ടിക്കാട്ടുന്നത്. കാനഡയിലുടനീളം ഇത്തരത്തിലുള്ള കുറ്റകൃത്യങ്ങൾ വർദ്ധിച്ചുവരുന്ന സാഹചര്യത്തിൽ നിയമങ്ങൾ കൂടുതൽ കർശനമാക്കാനാണ് അധികൃതരുടെ തീരുമാനം.