കാമുകിയുടെ മരണം നായയുടെ തലയില് കെട്ടിവെക്കാന് ശ്രമിച്ച യുവാവിന് 40 വര്ഷം തടവ്
By: 600002 On: Apr 8, 2026, 7:19 AM
പി പി ചെറിയാന്
ഫോര്ട്ട് വര്ത്ത് (ടെക്സസ്): 2023-ല് തന്റെ കാമുകി ഷീല ക്യുവേവാസിനെ കൊലപ്പെടുത്തിയ കേസില് അമേരിക്കയിലെ ഫോര്ട്ട് വര്ത്തില് നിന്നുള്ള ഇന്ഫ്ലുവന്സര് കാലെബ് മിക്കന്സിന് കോടതി ദീര്ഘകാല തടവുശിക്ഷ വിധിച്ചു.
കാമുകിയെ ക്രൂരമായി മര്ദ്ദിച്ചതിനും മറ്റ് കുറ്റങ്ങള്ക്കുമായി മിക്കന്സിന് 40 വര്ഷം തടവുശിക്ഷയാണ് ലഭിച്ചത്.
തന്റെ വളര്ത്തുനായ ഷീലയെ ആക്രമിച്ചതാണ് മരണകാരണമെന്ന് മിക്കന്സ് ആദ്യം പോലീസിനോട് പറഞ്ഞിരുന്നു. ഇതേത്തുടര്ന്ന് ആ നായയെ അന്ന് ദയാവധത്തിന് വിധേയമാക്കിയിരുന്നു.
എന്നാല്, അന്വേഷണത്തില് മിക്കന്സ് ഷീലയെ മയക്കുമരുന്ന് നല്കി ക്രൂരമായി മര്ദ്ദിച്ച് കൊലപ്പെടുത്തിയതാണെന്ന് കണ്ടെത്തി. നായയ്ക്ക് ഈ പരിക്കുകളില് പങ്കില്ലെന്ന് തെളിഞ്ഞു.
'ക്യാഷ് കാര്ട്ടിയര്' എന്നറിയപ്പെട്ടിരുന്ന ഇയാള് ഒരു മള്ട്ടി ലെവല് മാര്ക്കറ്റിംഗ് തട്ടിപ്പ് സംഘത്തിലും (IM Academy) പ്രവര്ത്തിച്ചിരുന്നു. ഇയാള് മുമ്പും നിരവധി സ്ത്രീകളെ ഉപദ്രവിച്ചിട്ടുള്ളതായി പ്രോസിക്യൂട്ടര്മാര് കോടതിയില് വ്യക്തമാക്കി. കുറ്റസമ്മതം നടത്തിയതിനെത്തുടര്ന്നാണ് ഇപ്പോള് കോടതി വിധി പുറപ്പെടുവിച്ചത്.