ജോര്ജിയ ഉപതിരഞ്ഞെടുപ്പ്: റിപ്പബ്ലിക്കന് പാര്ട്ടിക്ക് വിജയം; ഭൂരിപക്ഷത്തില് വന് ഇടിവ്
By: 600002 On: Apr 8, 2026, 7:07 AM
പി പി ചെറിയാന്
അറ്റ്ലാന്റ: ഏപ്രില് 7 നു ജോര്ജിയയിലെ 14-ാം കോണ്ഗ്രഷണല് ഡിസ്ട്രിക്റ്റിലേക്ക് നടന്ന ആവേശകരമായ പ്രത്യേക തിരഞ്ഞെടുപ്പില് റിപ്പബ്ലിക്കന് സ്ഥാനാര്ത്ഥി ക്ലേ ഫുള്ളര് വിജയിച്ചു. ഡെമോക്രാറ്റിക് സ്ഥാനാര്ത്ഥിയും മുന് ആര്മി ജനറലുമായ ഷോണ് ഹാരിസിനെയാണ് ഫുള്ളര് പരാജയപ്പെടുത്തിയത്. മുന് പ്രതിനിധി മര്ജോറി ടെയ്ലര് ഗ്രീന് രാജിവെച്ചതിനെ തുടര്ന്നാണ് ഇവിടെ തിരഞ്ഞെടുപ്പ് നടന്നത്.
ട്രംപിന്റെ പിന്തുണയോടെ മത്സരിച്ച മുന് പ്രോസിക്യൂട്ടര് ക്ലേ ഫുള്ളര് വിജയിച്ചു. ഇത് ഹൗസ് ഓഫ് റെപ്രസന്റേറ്റീവ്സില് റിപ്പബ്ലിക്കന് പാര്ട്ടിയുടെ നേരിയ ഭൂരിപക്ഷം നിലനിര്ത്താന് സഹായിക്കും.
വിജയിച്ചെങ്കിലും, കഴിഞ്ഞ തിരഞ്ഞെടുപ്പുകളെ അപേക്ഷിച്ച് റിപ്പബ്ലിക്കന് പാര്ട്ടിയുടെ ഭൂരിപക്ഷത്തില് വലിയ കുറവുണ്ടായി. 2024-ല് ട്രംപ് 37 ശതമാനം വോട്ടിന് മുന്നിട്ടുനിന്ന ഈ മണ്ഡലത്തില് ഫുള്ളറുടെ ലീഡ് വെറും 12 ശതമാനമായി ചുരുങ്ങി. അതായത് ഏകദേശം 25% വോട്ടിന്റെ കുറവ് റിപ്പബ്ലിക്കന് പക്ഷത്തുണ്ടായി.
റിപ്പബ്ലിക്കന് കോട്ടയായ ചാറ്റൂഗ കൗണ്ടിയില് പോലും കഴിഞ്ഞ തവണത്തെ 52 ശതമാനം ഭൂരിപക്ഷം ഇത്തവണ 40 ശതമാനമായി കുറഞ്ഞു.
ഇതൊരു പരാജയമാണെങ്കിലും, വരാനിരിക്കുന്ന 2026 മിഡ്ടേം തിരഞ്ഞെടുപ്പിന് മുന്നോടിയായി ഡെമോക്രാറ്റുകള്ക്ക് വലിയ ആത്മവിശ്വാസം നല്കുന്ന ഫലമാണിതെന്ന് രാഷ്ട്രീയ നിരീക്ഷകര് കരുതുന്നു. ജനങ്ങള് മാറ്റത്തിന് തയ്യാറെടുക്കുന്നു എന്നതിന്റെ സൂചനയാണിതെന്ന് ഷോണ് ഹാരിസ് പ്രതികരിച്ചു.
മര്ജോറി ടെയ്ലര് ഗ്രീന് ജനുവരിയില് പദവി ഒഴിഞ്ഞതിനെ തുടര്ന്നാണ് ഈ സീറ്റിലേക്ക് വോട്ടെടുപ്പ് ആവശ്യമായി വന്നത്.