നാസിയ ഹാരിസ് വധക്കേസ് പ്രതി ജയിലില് മരിച്ച നിലയില്
By: 600002 On: Mar 27, 2026, 7:29 AM
പി പി ചെറിയാന്
ഡെട്രോയിറ്റ്: 13 വയസ്സുകാരി നാസിയ ഹാരിസിനെ കൊലപ്പെടുത്തിയ കേസില് ശിക്ഷിക്കപ്പെട്ട പ്രതി ജാര്വിസ് ബട്ട്സിനെ (43) മിഷിഗണിലെ ജയിലില് മരിച്ച നിലയില് കണ്ടെത്തി. ശിക്ഷിക്കപ്പെട്ട് രണ്ടാഴ്ച തികയുന്നതിന് മുന്പാണ് സംഭവം. മരണകാരണം ആത്മഹത്യയാണെന്ന് സംശയിക്കുന്നതായി മിഷിഗണ് ഡിപ്പാര്ട്ട്മെന്റ് ഓഫ് കറക്ഷന്സ് അറിയിച്ചു.
മാര്ച്ച് 26-ന് രാവിലെ ജാക്സണിലെ ചാര്ലസ് ഇ. എഗ്ലര് റിസപ്ഷന് ആന്ഡ് ഗൈഡന്സ് സെന്ററിലെ സെല്ലിലാണ് ഇയാളെ കണ്ടെത്തിയത്. ഉടന് തന്നെ ജീവന് രക്ഷിക്കാനുള്ള ശ്രമങ്ങള് നടത്തിയെങ്കിലും ഫലമുണ്ടായില്ല.
രണ്ടാം ബിരുദ കൊലപാതക കുറ്റത്തിന് 35 മുതല് 60 വര്ഷം വരെ തടവുശിക്ഷ അനുഭവിക്കുകയായിരുന്നു ബട്ട്സ്. കൊല്ലപ്പെട്ട നാസിയയുടെ മൃതദേഹം എവിടെയാണെന്ന വിവരം സത്യസന്ധമായി വെളിപ്പെടുത്താം എന്ന നിബന്ധനയിലാണ് ഇയാള് കുറ്റസമ്മതം നടത്തിയത്. എന്നാല് മൃതദേഹം കണ്ടെത്താനായോ എന്ന കാര്യം പോലീസ് ഇതുവരെ സ്ഥിരീകരിച്ചിട്ടില്ല.