ഒഹായോയില് ഏഴ് മക്കളെ കാറിലിരുത്തി ചൂതാട്ടത്തിന് പോയ അമ്മ അറസ്റ്റില്
By: 600002 On: Mar 24, 2026, 6:54 AM
പി പി ചെറിയാന്
ഒഹായോ: മക്കളെ കാറിലിരുത്തി ചൂതാട്ടത്തിന് പോയ അമ്മയെ ഒഹായോയില് അറസ്റ്റ് ചെയ്തു. മാര്ച്ച് 19-ന് രാത്രി 9:15-ഓടെയാണ് സംഭവം. 11 മാസം പ്രായമുള്ള കുഞ്ഞ് മുതല് 15 വയസ്സുവരെയുള്ള തന്റെ ഏഴ് മക്കളെയും കാറിലിരുത്തി ഇവര് ഒരു ഇന്റര്നെറ്റ് കഫേയില് ചൂതാട്ടത്തിന് പോവുകയായിരുന്നു.
ഏകദേശം 40 മിനിറ്റോളം കുട്ടികളെ ആരുമില്ലാതെ കാറിനുള്ളില് ഉപേക്ഷിച്ചു. കാറില് ചെറിയ കുട്ടികള്ക്കായി സുരക്ഷാ സീറ്റുകള് (car seats) ഉണ്ടായിരുന്നില്ലെന്നും, ഡ്രൈവിംഗ് ലൈസന്സ് ഇല്ലാതെയാണ് ഇവര് വണ്ടി ഓടിച്ചതെന്നും പോലീസ് കണ്ടെത്തി.
കുട്ടികളെ അപകടത്തിലാക്കിയതിന് ഏഴ് കുറ്റങ്ങളാണ് ഇവര്ക്കെതിരെ ചുമത്തിയിരിക്കുന്നത്. എന്നാല് കോടതിയില് ഇവര് കുറ്റം നിഷേധിച്ചു.
ജി.പി.എസ് ട്രാക്കിംഗ് ഉപകരണം ധരിക്കണമെന്ന നിബന്ധനയില് കോടതി ഇവരെ വിട്ടയച്ചു. സ്വന്തമായി അഭിഭാഷകനെ വയ്ക്കാന് പണമില്ലാത്തതിനാല് ഇവര്ക്കായി സര്ക്കാര് അഭിഭാഷകനെ നിയമിച്ചു.
സംഭവത്തിന് ശേഷം കുട്ടികളെ എങ്ങോട്ടാണ് മാറ്റിയത് എന്നതില് വ്യക്തതയില്ല. കേസില് അന്വേഷണം തുടരുകയാണ്.