പശ്ചിമേഷ്യയിലെ സംഘര്‍ഷം ആശങ്കാജനകം; രാജ്യത്ത് ഇന്ധന ക്ഷാമം രൂക്ഷമായേക്കാമെന്ന് നരേന്ദ്ര മോദി 

 

പശ്ചിമേഷ്യയിലെ സംഘര്‍ഷം ആശങ്കാജനകമെന്ന് പ്രധാനമന്ത്രി നരേന്ദ്രമോദി. യുദ്ധം ജനങ്ങളെ ബാധിക്കുന്നു. രാജ്യത്ത് ഇന്ധന ക്ഷാമം രൂക്ഷമായേക്കാം. യുദ്ധത്തിനെതിരെ ഇന്ത്യ ഒറ്റക്കെട്ടായി സന്ദേശം നല്‍കണമെന്നും രാഷ്ട്ര തലവന്മാരുമായി സംസാരിക്കുന്നുണ്ടെന്നും മോദി പറഞ്ഞു. ലോക്‌സഭയില്‍ പ്രസ്താവന അവതരിപ്പിക്കുകയായിരുന്നു അദ്ദേഹം.

സംഘര്‍ഷത്തിനിടെ ഇന്ത്യക്കാരുടെ സുരക്ഷ ഏറെ പ്രധാനമാണെന്നും 3,75000 ഇന്ത്യക്കാര്‍ സുരക്ഷിതമായി ഇന്ത്യയിലേക്ക് മടങ്ങിയെന്നും മോദി പറഞ്ഞു. ഹോര്‍മുസ് കടലിടുക്ക് വഴിയുള്ള ഇന്ധന നീക്കത്തില്‍ തടസ്സം നേരിടുന്നുണ്ട്. 60 ശതമാനം എല്‍പിജി ഇറക്കുമതി ചെയ്യുന്നതാണ്. എല്‍പിജിയുടെ ഗാര്‍ഹിക ഉപയോഗത്തിനാണ് പ്രാധാന്യം നല്‍കുന്നത്.