മിന്നുംതാരം സഞ്ജു സാംസണ് ഗംഭീര സ്വീകരണം നല്കാന് ഒരുങ്ങി കേരളം
By: 600002 On: Mar 9, 2026, 12:10 PM
ട്വന്റി20 ലോകകപ്പില് ഇന്ത്യയെ കിരീടത്തിലെത്തിച്ച പ്രകടനങ്ങളോടെ ടൂര്ണമെന്റിലെ താരമായി തിരഞ്ഞെടുക്കപ്പെട്ട സഞ്ജു സാംസണ് സംസ്ഥാന സര്ക്കാര് ഔദ്യോഗിക സ്വീകരണം ഒരുക്കും. തിരുവനന്തപുരത്തായിരിക്കും സ്വീകരണം നല്കുകയെന്ന് മന്ത്രി വി. ശിവന്കുട്ടി അറിയിച്ചു.
ഇന്ത്യയുടെ കിരീട വിജയത്തിന് പിന്നാലെ ടീമിനെയും സഞ്ജുവിനെയും മുഖ്യമന്ത്രി പിണറായി വിജയന് അഭിനന്ദിച്ചിരുന്നു. ലോകകപ്പ് വിജയത്തില് മലയാളി താരം സഞ്ജു സാംസണ് കാഴ്ചവെച്ച ഗംഭീര പ്രകടനം ഓരോ മലയാളിയെയും സംബന്ധിച്ച് ആവേശകരമാണെന്ന് അദ്ദേഹം പറഞ്ഞു.