11 വയസ്സുകാരിയെ കൊലപ്പെടുത്തിയ മുന് പോലീസ് ഉദ്യോഗസ്ഥന്റെ വധശിക്ഷ മാര്ച്ച് 31 ന്
By: 600002 On: Mar 6, 2026, 8:57 AM
പി പി ചെറിയാന്
ഫ്ലോറിഡ: 1987-ല് 11 വയസ്സുകാരിയെ പീഡിപ്പിച്ചു കൊലപ്പെടുത്തിയ കേസില് മുന് പോലീസ് ഉദ്യോഗസ്ഥനായ ജെയിംസ് ആറന് ഡക്കറ്റിന്റെ വധശിക്ഷ മാര്ച്ച് 31-ന് നടപ്പിലാക്കാന് ഫ്ളോറിഡ ഗവര്ണര് റോണ് ഡിസാന്റിസ് ഉത്തരവിട്ടു.
മസ്കോട്ട് പോലീസ് ഉദ്യോഗസ്ഥനായിരുന്ന ഡക്കറ്റ്, തെരേസ മകാബി എന്ന പെണ്കുട്ടിയെ തടാകതീരത്ത് വെച്ച് പീഡിപ്പിക്കുകയും ശ്വാസം മുട്ടിച്ച് തടാകത്തില് മുക്കി കൊല്ലുകയും ചെയ്തു.
ഡക്കറ്റിന്റെ പട്രോളിംഗ് കാറിലെ ടയര് അടയാളങ്ങളും ബോണറ്റില് നിന്ന് ലഭിച്ച പെണ്കുട്ടിയുടെ വിരലടയാളങ്ങളുമാണ് കേസില് നിര്ണ്ണായകമായത്. മൂന്ന് പതിറ്റാണ്ടോളം നീണ്ട നിയമപോരാട്ടങ്ങള്ക്കൊടുവിലാണ് ശിക്ഷ നടപ്പിലാക്കുന്നത്. 2026-ല് ഫ്ലോറിഡയില് നടപ്പിലാക്കുന്ന ആറാമത്തെ വധശിക്ഷയാണിത്.
2025 ല് 19 വധശിക്ഷകള് നടപ്പിലാക്കിയ ഫ്ലോറിഡ, ഈ വര്ഷവും ശിക്ഷകള് നടപ്പിലാക്കുന്നതില് മുന്നിലാണ്. ടെക്സാസ്, അലബാമ എന്നീ സംസ്ഥാനങ്ങളിലും ഈ വര്ഷം കൂടുതല് വധശിക്ഷകള് ഷെഡ്യൂള് ചെയ്തിട്ടുണ്ട്.