'കേരള സ്റ്റോറി 2' സര്ട്ടിഫിക്കറ്റ് റദ്ദാക്കണമെന്ന് ഹര്ജി; സെന്സര് ബോര്ഡിന് ഹൈക്കോടതി നോട്ടീസ്
By: 600002 On: Feb 19, 2026, 11:46 AM
കേരള സ്റ്റോറി 2 നെതിരെ ഹൈക്കോടതിയില് ഹര്ജി. ചിത്രത്തിന്റെ സെന്സര് സര്ട്ടിഫിക്കറ്റ് റദ്ദാക്കണമെന്നാണ് ആവശ്യം. ഇതേതുടര്ന്ന് സെന്സര് ബോര്ഡിന് ഹൈക്കോടതി നോട്ടീസയച്ചു. വിഷയത്തില് നിര്മാതാക്കളും മറുപടി പറയണം. ഹര്ജി അടുത്ത ചൊവ്വാഴ്ച വീണ്ടും പരിഗണിക്കും.
രണ്ട് ദിവസം മുന്പാണ് ദേശീയ പുരസ്കാര ജേതാവായ കാമാഖ്യ നാരായണ സിംഗ് സംവിധാനം ചെയ്യുന്ന ദ കേരള സ്റ്റോറി 2 എന്ന ചിത്രത്തിന്റെ ടീസര് പുറത്തിറങ്ങിയത്. ഹിന്ദു പെണ്കുട്ടിയെ ബലമായി ബീഫ് കഴിപ്പിക്കുന്ന രംഗമുള്പ്പെടെ ടീസറിലുണ്ടായിരുന്നു. വലിയ പ്രതിഷേധവും പരിഹാസവുമായിരുന്നു ഇതോടെ ടീസറിനെതിരെ ഉയര്ന്നത്.