സിഖ് വിഘടനവാദി നേതാവിനെ വധിക്കാന് ഗൂഢാലോചന: നിഖില് ഗുപ്ത കുറ്റസമ്മതം നടത്തി
By: 600002 On: Feb 16, 2026, 10:31 AM
പി പി ചെറിയാന്
ന്യൂയോര്ക്ക്: അമേരിക്കയില് താമസിക്കുന്ന സിഖ് വിഘടനവാദി നേതാവിനെ വധിക്കാന് വാടകക്കൊലയാളിയെ ഏര്പ്പെടുത്തിയെന്ന കേസില് ഇന്ത്യന് പൗരനായ നിഖില് ഗുപ്ത കുറ്റസമ്മതം നടത്തി. ഫെബ്രുവരി 13-ന് ന്യൂയോര്ക്കിലെ ഫെഡറല് കോടതിയില് ഹാജരായ ഗുപ്ത, തനിക്കെതിരെയുള്ള മൂന്ന് കുറ്റങ്ങളും സമ്മതിക്കുകയായിരുന്നു.
വധഗൂഢാലോചന, വാടകക്കൊലപാതക ശ്രമം, കള്ളപ്പണം വെളുപ്പിക്കല് എന്നീ മൂന്ന് കുറ്റങ്ങളാണ് ഗുപ്ത സമ്മതിച്ചത്. ഇതോടെ മാസങ്ങള് നീണ്ട നിയമപോരാട്ടങ്ങള്ക്ക് അന്ത്യമായി.
ന്യൂയോര്ക്കില് താമസിക്കുന്ന ഇന്ത്യന് വംശജനായ സിഖ് നേതാവിനെ വധിക്കാന് 15,000 ഡോളര് അഡ്വാന്സ് നല്കിയതായും ഇതിനായി ഇടനിലക്കാരെ ഉപയോഗിച്ചതായും പ്രോസിക്യൂഷന് കണ്ടെത്തിയിരുന്നു.
അറസ്റ്റ്: 2023 ജൂണില് ചെക്ക് റിപ്പബ്ലിക്കിലെ പ്രാഗ് വിമാനത്താവളത്തില് വെച്ചാണ് ഗുപ്ത അറസ്റ്റിലായത്. പിന്നീട് ഇയാളെ അമേരിക്കയ്ക്ക് കൈമാറുകയായിരുന്നു. വധഗൂഢാലോചന ഉള്പ്പെടെയുള്ള കുറ്റങ്ങള്ക്ക് ജീവപര്യന്തം വരെ തടവുശിക്ഷ ലഭിക്കാന് സാധ്യതയുണ്ട്. കേസ് ഇനി ശിക്ഷാവിധി പ്രഖ്യാപിക്കുന്ന ഘട്ടത്തിലേക്ക് കടക്കും. മാര്ച്ച് 15-ന് കേസ് വീണ്ടും പരിഗണിക്കും.
നിലവില് ഫെഡറല് കസ്റ്റഡിയില് തുടരുന്ന ഗുപ്തയുടെ ശിക്ഷാവിധി സംബന്ധിച്ച റിപ്പോര്ട്ട് തയ്യാറാക്കാന് കോടതി ഉത്തരവിട്ടു.