ചരിത്രത്തിലെ ഏറ്റവും വലിയ ആയുധക്കരാറില് ഒപ്പിടാനൊരുങ്ങി ഇന്ത്യ
By: 600002 On: Feb 10, 2026, 10:00 AM
വ്യോമസേനയ്ക്കായി 114 ഫ്രഞ്ച് നിര്മ്മിത റഫാല് യുദ്ധവിമാനങ്ങള് കൂടി വാങ്ങാന് ഇന്ത്യ. നിലവിലുള്ള 36 റഫാല് വിമാനങ്ങള്ക്ക് പുറമെയാണ് 114 വിമാനങ്ങള് കൂടി ഇന്ത്യന് വ്യോമസേനയുടെ ഭാഗമാവുക. 3.25 ലക്ഷം കോടി രൂപയുടെ കരാറിന് പ്രതിരോധ മന്ത്രാലയം ഈ ആഴ്ച അനുമതി നല്കുമെന്നാണ് റിപ്പോര്ട്ട്.
വ്യോമസേനയുടെ മള്ട്ടി റോള് ഫൈറ്റര് എയര്ക്രാഫ്റ്റ് പ്രോഗ്രാമിന്റെ ഭാഗമായാണ് പുതിയ റഫാല് വിമാനങ്ങള്ക്ക് കൂടി ഇന്ത്യ ഓര്ഡര് ചെയ്യുന്നത്. ഫ്രഞ്ച് പ്രസിഡന്റ് ഇമ്മാനുവല് മക്രോയുടെ ഇന്ത്യാ സന്ദര്ശനത്തിന് മുമ്പ് കരാറിന് അന്തിമരൂപം നല്കുമെന്നാണ് സൂചന.