അധ്യാപക ക്ഷാമം പരിഹരിക്കാന് 'എമര്ജന്സി സര്ട്ടിഫിക്കേഷന്'; ഒക്ലഹോമയില് പുതിയ മാതൃക
By: 600002 On: Jan 28, 2026, 7:31 AM
പി പി ചെറിയാന്
ഒക്ലഹോമ: ഒക്ലഹോമയില് നിലനില്ക്കുന്ന രൂക്ഷമായ അധ്യാപക ക്ഷാമം നേരിടാന് 'എമര്ജന്സി സര്ട്ടിഫൈഡ്' അധ്യാപകരുടെ എണ്ണം വര്ധിപ്പിക്കുന്നു. കഴിഞ്ഞ അഞ്ച് വര്ഷത്തിനിടെ 20,000-ത്തിലധികം പേരെയാണ് ഇത്തരത്തില് നിയമിച്ചത്.
അധ്യാപനത്തില് പൂര്ണ്ണമായ ലൈസന്സ് ഇല്ലാത്തവര്ക്കും നിശ്ചിത യോഗ്യതയുണ്ടെങ്കില് ക്ലാസുകളില് പഠിപ്പിക്കാന് അനുമതി നല്കുന്ന രീതിയാണിത്. ബിരുദവും, ക്രിമിനല് പശ്ചാത്തല പരിശോധനയും, പ്രത്യേക വിഷയത്തിലുള്ള പരീക്ഷയും പാസായാല് ഇവര്ക്ക് താല്ക്കാലികമായി പഠിപ്പിക്കാം.
ഇത്തരം അധ്യാപകര്ക്ക് പിന്നീട് പൂര്ണ്ണ യോഗ്യത നേടുന്നതിനായി പ്രത്യേക പരിശീലന പരിപാടികള് ഒക്ലഹോമ സിറ്റി പബ്ലിക് സ്കൂള്സ് (OKCPS) നടപ്പിലാക്കുന്നുണ്ട്.
സാമൂഹിക പ്രവര്ത്തകയായിരുന്ന ജൂഡിത്ത് ഹൂര്ത്ത ഇത്തരത്തില് അധ്യാപനത്തിലേക്ക് വരികയും പിന്നീട് മാസ്റ്റേഴ്സ് ബിരുദം പൂര്ത്തിയാക്കി പൂര്ണ്ണ യോഗ്യത നേടുകയും ചെയ്തു. നിലവില് മികച്ച രീതിയില് ഇംഗ്ലീഷ് പഠിപ്പിക്കുന്ന അവര് ഭാവിയില് സ്കൂള് പ്രിന്സിപ്പാളാകാന് തയ്യാറെടുക്കുകയാണ്.
മികച്ച സ്വഭാവഗുണമുള്ളവര് അധ്യാപനത്തിലേക്ക് വരുന്നത് കുട്ടികള്ക്ക് ഗുണകരമാണെന്നും, അവര്ക്ക് ആവശ്യമായ എല്ലാ പിന്തുണയും നല്കുമെന്നും അസിസ്റ്റന്റ് സൂപ്രണ്ട് ബ്രാഡ് ഹെര്സര് പറഞ്ഞു.
'അറിയാത്തവര് പഠിപ്പിക്കുന്നു എന്നല്ല, മറിച്ച് കാര്യങ്ങള് മനസ്സിലാക്കിയവരാണ് പഠിപ്പിക്കേണ്ടത്' എന്ന പുതിയ പാഠമാണ് ഈ മാറ്റം മുന്നോട്ട് വയ്ക്കുന്നത്.