യുവതിയെ 25 വര്ഷം 'വീട്ടുഅടിമ'യായി പാര്പ്പിച്ചു; 10 കുട്ടികളുടെ അമ്മ കുറ്റക്കാരിയെന്ന് കോടതി
By: 600002 On: Jan 22, 2026, 9:22 AM
പി പി ചെറിയാന്
ലണ്ടന്: ഒരു കൗമാരക്കാരിയെ 25 വര്ഷത്തിലേറെ കാലം വീട്ടുഅടിമയായി താമസിപ്പിക്കുകയും ക്രൂരമായി പീഡിപ്പിക്കുകയും ചെയ്ത കേസില് ബ്രിട്ടീഷ് സ്വദേശിനി അമാന്ഡ വിക്സണ് (56) കുറ്റക്കാരിയെന്ന് കോടതി കണ്ടെത്തി. ഗ്ലോസ്റ്റര്ഷെയറിലെ ട്യൂക്സ്ബറിയിലാണ് മനസ്സാക്ഷിയെ ഞെട്ടിച്ച ഈ സംഭവം നടന്നത്.
25 വര്ഷത്തെ തടവ്: പഠനവൈകല്യമുള്ള പെണ്കുട്ടി തന്റെ 16-ാം വയസ്സില് 1995-ലാണ് അമാന്ഡയുടെ വീട്ടിലെത്തിയത്. 2021-ല് പോലീസ് രക്ഷപ്പെടുത്തുന്നത് വരെ അവള് അവിടെ നരകയാതന അനുഭവിച്ചു.
യുവതിയെ നിരന്തരം മര്ദ്ദിക്കുകയും ചൂല് കൊണ്ട് അടിച്ച് പല്ലുകള് കൊഴിക്കുകയും ചെയ്യുമായിരുന്നു. മുഖത്ത് ബ്ലീച്ച് ഒഴിക്കുക, നിര്ബന്ധപൂര്വ്വം തല മുണ്ഡനം ചെയ്യുക, തൊണ്ടയിലേക്ക് ലിക്വിഡ് സോപ്പ് ഒഴിക്കുക തുടങ്ങിയ ക്രൂരതകള്ക്കും അവള് ഇരയായി.
എച്ചില് ഭക്ഷണം മാത്രം നല്കിയിരുന്ന യുവതിയെ വീടിന് പുറത്തിറങ്ങാന് അനുവദിച്ചിരുന്നില്ല. വര്ഷങ്ങളോളം കുളിക്കാന് പോലും അനുവാദം നല്കിയിരുന്നില്ലെന്ന് യുവതി വെളിപ്പെടുത്തി. തറ തുടച്ചും മറ്റും മുട്ടുകാലില് ഇഴഞ്ഞത് കാരണം കാലുകളില് തഴമ്പുകള് വീണിരുന്നു.
യുവതിയുടെ പേരില് ലഭിച്ചിരുന്ന സര്ക്കാര് ആനുകൂല്യങ്ങള് (Benefits) അമാന്ഡ സ്വന്തം അക്കൗണ്ടിലേക്ക് മാറ്റുകയായിരുന്നു. 2016 മുതല് 2021 വരെയുള്ള കാലയളവില് മാത്രം ഏകദേശം 33,000 പൗണ്ട് (ഏകദേശം 35 ലക്ഷം രൂപ) ഇത്തരത്തില് തട്ടിയെടുത്തു.
അമാന്ഡയുടെ തന്നെ മക്കളിലൊരാള് നല്കിയ രഹസ്യവിവരത്തെത്തുടര്ന്നാണ് പോലീസ് യുവതിയെ രക്ഷപ്പെടുത്തിയത്. അടിമപ്പണി ചെയ്യിപ്പിക്കല്,മര്ദ്ദനം,തടഞ്ഞുവെക്കല് തുടങ്ങിയ കുറ്റങ്ങള് കോടതി ശരിവെച്ചു. അമാന്ഡയ്ക്കുള്ള ശിക്ഷ മാര്ച്ച് 12-ന് വിധിക്കും. പത്തുവര്ഷം വരെ തടവുശിക്ഷ ലഭിക്കാവുന്ന കുറ്റങ്ങളാണിവ.
നിലവില് ഒരു വളര്ത്തു കുടുംബത്തോടൊപ്പം കഴിയുന്ന യുവതി, വിദേശയാത്രകള് നടത്താനും കോളേജില് പോകാനും തുടങ്ങിയതായും സാധാരണ ജീവിതത്തിലേക്ക് മടങ്ങിവരികയാണെന്നും റിപ്പോര്ട്ടുകള് സൂചിപ്പിക്കുന്നു.