ഗ്രീന്ലന്ഡിനെ ഉള്പ്പെടുത്തി പുതിയ ഭൂപടം പങ്കുവെച്ച് ഡൊണാള്ഡ് ട്രംപ്
By: 600002 On: Jan 20, 2026, 10:55 AM
ആര്ട്ടിക് ദ്വീപായ ഗ്രീന്ലന്ഡിനെ ഉള്പ്പെടുത്തി പുതിയ ഭൂപടം പങ്കുവെച്ച് അമേരിക്കന് പ്രസിഡന്റ് ഡൊണാള്ഡ് ട്രംപ്. ഗ്രീന്ലന്ഡിനെയും കാനഡയെയും വെനസ്വേലയെയും അമേരിക്കന് പ്രദേശങ്ങളായി കാണിച്ച് നാറ്റോ സഖ്യകക്ഷികളെ പരിഹസിക്കുന്ന ചിത്രമാണ് ട്രൂത്ത് സോഷ്യല് പ്ലാറ്റ്ഫോമില് ട്രംപ് പങ്കുവെച്ചത്.
ഫ്രഞ്ച് പ്രസിഡന്റ് ഇമ്മാനുവല് മാക്രോണ്, ഇറ്റാലിയന് പ്രധാനമന്ത്രി ജോര്ജിയ മെലോണി, ബ്രിട്ടീഷ് പ്രധാനമന്ത്രി കെയ്ര് സ്റ്റാര്മര്, യൂറോപ്യന് കമ്മീഷന് അധ്യക്ഷ ഉര്സുല വോണ് ഡെര് ലെയ്ന് തുടങ്ങിയവര് ഓവല് ഓഫീസില് ഇരിക്കുന്നതായും പശ്ചാത്തലത്തില് പുതുക്കിയ ഒരു ഭൂപടം വീക്ഷിക്കുന്നതുമായ ചിത്രമാണ് ട്രംപ് പങ്കുവെച്ചത്.