ട്രംപിന്റെ ഊര്ജ്ജ ഫണ്ട് വെട്ടിക്കുറയ്ക്കല് ഭരണഘടനാ വിരുദ്ധമെന്ന് ജഡ്ജി അമിത് മേത്ത
By: 600002 On: Jan 15, 2026, 9:59 AM
പി പി ചെറിയാന്
വാഷിംഗ്ടണ് ഡി.സി: ഫെഡറല് ഊര്ജ്ജ ഗ്രാന്റുകള് റദ്ദാക്കാനുള്ള ട്രംപ് ഭരണകൂടത്തിന്റെ തീരുമാനം ഭരണഘടനാ വിരുദ്ധമാണെന്ന് യുഎസ് ഡിസ്ട്രിക്റ്റ് ജഡ്ജി അമിത് പി. മേത്ത വിധിച്ചു. രാഷ്ട്രീയ ലക്ഷ്യങ്ങള്ക്കായി ഫെഡറല് ഫണ്ടിംഗിനെ ഉപയോഗിക്കുന്നത് ഭരണഘടന നല്കുന്ന തുല്യ സംരക്ഷണത്തിനുള്ള അവകാശത്തിന്റെ ലംഘനമാണെന്ന് ജനുവരി 12-ന് പുറപ്പെടുവിച്ച വിധിയില് അദ്ദേഹം വ്യക്തമാക്കി.
2024-ലെ തിരഞ്ഞെടുപ്പില് ഡൊണാള്ഡ് ട്രംപിനെ പിന്തുണയ്ക്കാത്ത സംസ്ഥാനങ്ങളെ (ബ്ലൂ സ്റ്റേറ്റ്സ്) ലക്ഷ്യം വെച്ചാണ് ഗ്രാന്റുകള് റദ്ദാക്കിയതെന്ന് കോടതി നിരീക്ഷിച്ചു. 8 ബില്യണ് ഡോളറിന്റെ ഊര്ജ്ജ-കാലാവസ്ഥാ ഗ്രാന്റുകളാണ് ഇത്തരത്തില് റദ്ദാക്കപ്പെട്ടിരുന്നത്.
ഫെഡറല് ഫണ്ടുകള് വിതരണം ചെയ്യുന്നതിലോ തടയുന്നതിലോ വിവേചനം കാണിക്കാന് സര്ക്കാരിന് അധികാരമില്ല. അഞ്ചാം ഭേദഗതി (എശളവേ അാലിറാലി)േ പ്രകാരമുള്ള തുല്യ സംരക്ഷണ ഉറപ്പിന്റെ ലംഘനമാണിതെന്ന് ജഡ്ജി ചൂണ്ടിക്കാട്ടി.
റദ്ദാക്കിയ പദ്ധതികളില് ഉള്പ്പെട്ട 27.6 ദശലക്ഷം ഡോളറിന്റെ ഏഴ് പ്രധാന ഗ്രാന്റുകള് ഉടന് പുനഃസ്ഥാപിക്കാന് ഊര്ജ്ജ വകുപ്പിനോട് കോടതി ഉത്തരവിട്ടു.
മിനസോട്ടയിലെ സെന്റ് പോള് നഗരവും വിവിധ പരിസ്ഥിതി സംഘടനകളും നല്കിയ ഹര്ജിയിലാണ് ഈ നിര്ണ്ണായക വിധി. റിപ്പബ്ലിക്കന് അനുകൂല സംസ്ഥാനങ്ങളിലെ സമാന പദ്ധതികള്ക്ക് ഫണ്ട് നല്കുകയും ഡെമോക്രാറ്റിക് അനുകൂല സംസ്ഥാനങ്ങളിലെ ഫണ്ട് തടയുകയും ചെയ്തതിലൂടെ സര്ക്കാര് രാഷ്ട്രീയ ആയുധമായി ഫണ്ടിംഗിനെ മാറ്റി എന്ന് കോടതി കുറ്റപ്പെടുത്തി.