2026 സാമ്പത്തികമായി കഠിനമായൊരു വർഷമായിരിക്കുമെന്നാണ് പല കനേഡിയൻമാരും പ്രതീക്ഷിക്കുന്നതെന്ന് MNP-യുടെ പുതിയ റിപ്പോർട്ട്

2026 സാമ്പത്തികമായി കഠിനമായ ഒരു വർഷമായിരിക്കുമെന്ന് പല കനേഡിയൻമാരും പ്രതീക്ഷിക്കുന്നതെന്ന് MNP-യുടെ പുതിയ റിപ്പോർട്ട് . ജീവിതച്ചെലവ് വർധിക്കുന്നതും ഉയർന്ന പലിശനിരക്കുമാണ് ആശങ്കകൾക്ക് പ്രധാന കാരണം. തങ്ങൾ സാമ്പത്തിക പ്രതിസന്ധിയുടെ വക്കിലാണെന്നാണ്  കൂടുതൽ ആളുകളും  കരുതുന്നതെന്നും സർവേ വ്യക്തമാക്കുന്നു. 

അപ്രതീക്ഷിതമായി വരുന്ന ചെലവുകൾ കൈകാര്യം ചെയ്യാൻ തങ്ങളുടെ പക്കൽ മതിയായ പണമില്ലെന്ന് പല കുടുംബങ്ങളും പറയുന്നു. ക്രെഡിറ്റ് കാർഡ് കുടിശ്ശികയും വായ്പാ തിരിച്ചടവുകളും വലിയ ഭാരമായി മാറുന്നതോടെ കടബാധ്യത ഒരു പ്രധാന ആശങ്കയായി വളരുകയാണ്. പ്രതിമാസ ബില്ലുകൾ അടയ്ക്കാൻ പോലും തങ്ങൾ നിലവിൽ ബുദ്ധിമുട്ടുകയാണെന്ന് പലരും സമ്മതിക്കുന്നു. കഴിഞ്ഞ വർഷത്തെ അപേക്ഷിച്ച്  സാമ്പത്തിക കാര്യങ്ങളിലുള്ള ആത്മവിശ്വാസം കുറഞ്ഞതായി റിപ്പോർട്ട് ചൂണ്ടിക്കാട്ടുന്നു. അത്യാവശ്യമല്ലാത്ത കാര്യങ്ങൾക്കായി പണം ചെലവഴിക്കുന്നത് കുടുംബങ്ങൾ വെട്ടിക്കുറയ്ക്കുകയാണ്.

തുടർച്ചയായ പണപ്പെരുപ്പം ദൈനംദിന ജീവിതം കൂടുതൽ ദുസ്സഹമാക്കുമെന്ന് വിദഗ്ധർ മുന്നറിയിപ്പ് നൽകുന്നുണ്ട്. പാപ്പരത്തത്തെക്കുറിച്ചും കടം തിരിച്ചടയ്ക്കാൻ കഴിയാത്ത അവസ്ഥയെക്കുറിച്ചും ആളുകൾക്കിടയിൽ ആശങ്ക വർധിച്ചതായും MNP പറയുന്നു. സാമ്പത്തിക സമ്മർദ്ദം മാനസികാരോഗ്യത്തെയും കുടുംബബന്ധങ്ങളെയും ബാധിക്കുന്നതായും പഠനം എടുത്തുപറയുന്നുണ്ട്.