ടെക്സസില് കവര്ച്ചാശ്രമത്തിനിടെ 16 വയസ്സുകാരന് വെടിയേറ്റു മരിച്ചു
By: 600002 On: Jan 10, 2026, 8:05 AM
പി പി ചെറിയാന്
ടെക്സസ്: ക്യാരള്ട്ടണില് യുവാവിനെ കൊള്ളയടിക്കാന് ശ്രമിക്കുന്നതിനിടെ 16 വയസ്സുകാരന് വെടിയേറ്റു മരിച്ചു. ജനുവരി 5 തിങ്കളാഴ്ച വൈകുന്നേരമാണ് സംഭവം നടന്നത്.
അഞ്ച് കൗമാരക്കാരടങ്ങുന്ന സംഘം മയക്കുമരുന്ന് ഇടപാടിനെന്ന വ്യാജേന 20 വയസ്സുകാരനായ യുവാവിനെ കാണാന് എത്തിയതായിരുന്നു. എന്നാല് യുവാവിനെ തോക്കുചൂണ്ടി കൊള്ളയടിക്കാനായിരുന്നു ഇവരുടെ പദ്ധതി എന്ന് പോലീസ് പറഞ്ഞു.
സംഘത്തിലെ 16 വയസ്സുകാരന് തോക്ക് പുറത്തെടുത്തതോടെ, 20-കാരന് സ്വയരക്ഷയ്ക്കായി തിരികെ വെടിവെക്കുകയായിരുന്നു. വെടിയേറ്റ കൗമാരക്കാരന് ആശുപത്രിയില് വെച്ച് മരണപ്പെട്ടു.
മരിച്ച കുട്ടിയോടൊപ്പമുണ്ടായിരുന്ന മറ്റ് നാല് കൗമാരക്കാര്ക്കെതിരെ പോലീസ് കവര്ച്ചാക്കുറ്റം ചുമത്തി. സ്വയരക്ഷയ്ക്കായി വെടിവെച്ച 20-കാരനെതിരെ നിലവില് കേസുകളൊന്നും എടുത്തിട്ടില്ല.