അര്ജുന് മോദി അമേരിക്കന് സോഷ്യല് സെക്യൂരിറ്റി ഡെപ്യൂട്ടി കമ്മീഷണറായി ചുമതലയേറ്റു
By: 600002 On: Jan 9, 2026, 9:31 AM
പി പി ചെറിയാന്
വാഷിംഗ്ടണ് ഡി സി :ഇന്ത്യന് വംശജനായ അര്ജുന് മോദി അമേരിക്കന് സോഷ്യല് സെക്യൂരിറ്റി അഡ്മിനിസ്ട്രേഷന് (SSA) ഡെപ്യൂട്ടി കമ്മീഷണറായി ജനുവരി 5-ന് സത്യപ്രതിജ്ഞ ചെയ്ത് ചുമതലയേറ്റു. 2031 ജനുവരി വരെയാണ് അദ്ദേഹത്തിന്റെ കാലാവധി.
ഏകദേശം 50,000 ജീവനക്കാരും 1.5 ട്രില്യണ് ഡോളര് വാര്ഷിക ബജറ്റുമുള്ള ഈ ഭീമന് ഏജന്സിയുടെ പ്രവര്ത്തനങ്ങള്ക്ക് ഇനി അര്ജുന് മോദി നേതൃത്വം നല്കും. പ്രസിഡന്റ് ഡൊണാള്ഡ് ട്രംപിനോട് അദ്ദേഹം നന്ദി രേഖപ്പെടുത്തി. വെറും 8 ഡോളറുമായി അമേരിക്കയിലെത്തിയ തന്റെ പിതാവില് നിന്നാണ് പൊതുസേവനത്തിന്റെ പാഠങ്ങള് ഉള്ക്കൊണ്ടതെന്ന് ചുമതലയേറ്റ ശേഷം അദ്ദേഹം വൈകാരികമായി പ്രതികരിച്ചു.