പ്രശസ്ത പരിസ്ഥിതി ശാസ്ത്രജ്ഞന് മാധവ് ഗാഡ്ഗില് അന്തരിച്ചു
By: 600002 On: Jan 8, 2026, 11:51 AM
ഇന്ത്യയിലെ ജനകീയ പരിസ്ഥിതി പ്രസ്ഥാനങ്ങള്ക്ക് രൂപം നല്കുന്നതില് നിര്ണായക പങ്കുവഹിച്ച പ്രശസ്ത പരിസ്ഥിതി ശാസ്ത്രജ്ഞന് മാധവ് ഗാഡ്ഗില്(83) അന്തരിച്ചു. അസുഖത്തെ തുടര്ന്ന് ചികിത്സയിലായിരുന്ന അദ്ദേഹം ബുധനാഴ്ച രാത്രി പൂനെയില് വെച്ചാണ് അന്തരിച്ചത്. അദ്ദേഹത്തിന്റെ മകന് സിദ്ധാര്ത്ഥ ഗാഡ്ഗില് ആണ് മരണവിവരം സ്ഥിരീകരിച്ചത്.
പരിസ്ഥിതി സംരക്ഷണ ചരിത്രത്തില് മാധവ് ഗാഡ്ഗില് എന്ന പേര് എന്നും ഓര്മിക്കപ്പെടുന്നത് അദ്ദേഹം അധ്യക്ഷനായ പശ്ചിമഘട്ട പരിസ്ഥിതി വിദഗ്ധ സമിതി സമര്പ്പിച്ച റിപ്പോര്ട്ടിലൂടെയാണ്. 2011 ല് സമര്പ്പിക്കപ്പെട്ട ഈ റിപ്പോര്ട്ട്, പശ്ചിമഘട്ടത്തിന്റെ 75 ശതമാനവും പരിസ്ഥിതി ലോല മേഖലയായി പ്രഖ്യാപിക്കണമെന്ന് ശുപാര്ശ ചെയ്തിരുന്നു.