തൊണ്ടിമുതല് കേസ്: മുന് മന്ത്രി ആന്റണി രാജുവിന് മൂന്ന് വര്ഷം തടവ്
By: 600002 On: Jan 3, 2026, 12:28 PM
തൊണ്ടിമുതല് കേസില് തിരുവനന്തപുരം എംഎല്എയും മുന് മന്ത്രിയുമായ ആന്റണി രാജുവിന് മൂന്ന് വര്ഷം തടവ് ശിക്ഷ. നെടുമങ്ങാട് ജുഡീഷ്യല് ഫസ്റ്റ് ക്ലാസ് കോടതിയാണ് ശിക്ഷ വിധിച്ചത്. തൊണ്ടിമുതലായ അടിവസ്ത്രത്തില് തിരിമറി നടത്തി പ്രതിയ്ക്ക് ശിക്ഷയില് നിന്ന് രക്ഷപ്പെടാന് അവസരമൊരുക്കി എന്ന കേസിലാണ് കോടതി ശിക്ഷ വിധിച്ചത്. കേസില് രണ്ടാം പ്രതിയാണ് ആന്റണി രാജു. ഒന്നാം പ്രതിയും കോടതി ജീവനക്കാരനുമായിരുന്ന ജോസിനും മൂന്ന് വര്ഷം തടവ് ശിക്ഷ വിധിച്ചു.
1990 ഏപ്രില് നാലിന് തിരുവനന്തപുരം വിമാനത്താവളത്തില് ലഹരിമരുന്ന് കേസില് പിടിയിലായ ഓസ്ട്രേലിയന് പൗരനെ ശിക്ഷയില് നിന്ന് രക്ഷപ്പെടുത്താന് തൊണ്ടിയായ അടിവസ്ത്രത്തില് കൃത്രിമം കാട്ടിയെന്നാണ് കേസ്.