ബംഗ്ലാദേശ് മുന് പ്രധാനമന്ത്രി ഖാലിദ സിയ അന്തരിച്ചു
By: 600002 On: Dec 30, 2025, 11:53 AM
ബംഗ്ലാദേശ് മുന് പ്രധാനമന്ത്രിയും ബംഗ്ലാദേശ് നാഷണലിസ്റ്റ് പാര്ട്ടി(ബിഎന്പി) അധ്യക്ഷയുമായ ബീഗം ഖാലിദ സിയ(80) അന്തരിച്ചു. ധാക്കയിലെ എവര്കെയര് ആശുപത്രിയില് ചികിത്സയിലിരിക്കെ ചൊവ്വാഴ്ച രാവിലെ ആറ് മണിയോടെയായിരുന്നു മരണം. ഹൃദയ, ശ്വാസകോശ സംബന്ധമായ അസുഖങ്ങളെ തുടര്ന്ന് നവംബര് 23 നാണ് ഖാലിദ സിയയെ ആശുപത്രിയില് പ്രവേശിപ്പിച്ചത്.
ബംഗ്ലാദേശിലെ ആദ്യ വനിതാ പ്രധാനമന്ത്രിയായ ഖാലിദ സിയയെ ഏറെനാളായി വിവിധ ആരോഗ്യ പ്രശ്നങ്ങള് അലട്ടിയിരുന്നു. ആരോഗ്യനില വഷളായതോടെ ബംഗ്ലാദേശ്, യുകെ, യുഎസ്, ചൈന, ഓസ്ട്രേലിയ എന്നിവടങ്ഹളില് നിന്നുള്ള വിദഗ്ധ ഡോക്ടര്മാരുടെ മേല്നോട്ടത്തിലായിരുന്നു ചികിത്സ.