ടൊറൻ്റോയിലെ സബ്‌വേ പ്ലാറ്റ്‌ഫോമിൽ യാത്രക്കാരൻ്റെ ജാക്കറ്റിന് തീയിടാൻ ശ്രമിച്ച അക്രമിക്കായി തിരച്ചിൽ ആരംഭിച്ച് പൊലീസ്

 

ടൊറൻ്റോയിലെ കെന്നഡി സ്റ്റേഷനിലുണ്ടായ അസ്വാഭാവിക സംഭവവുമായി ബന്ധപ്പെട്ട ആൾക്കായി പോലീസ് തിരച്ചിൽ ആരംഭിച്ചു. ഞായറാഴ്ച പുലർച്ചെ 6:30-ഓടെ സബ്‌വേ പ്ലാറ്റ്‌ഫോമിൽ നിന്നിരുന്ന ഒരാളുടെ ജാക്കറ്റിന് അക്രമി തീയിടാൻ ശ്രമിക്കുകയായിരുന്നു.   സംഭവത്തിൽ ആർക്കും പരിക്കേറ്റിട്ടില്ലെന്നും, ആക്രമണത്തിന് പിന്നാലെ പ്രതി സ്ഥലത്തുനിന്ന് ഓടി രക്ഷപ്പെട്ടതായും പോലീസ് അറിയിച്ചു.

ഏകദേശം 25-നും 30-നും ഇടയിൽ പ്രായം തോന്നിക്കുന്ന ഇയാൾ കറുത്ത ജാക്കറ്റും ഗ്രേ പാൻ്റ്സും കറുത്ത ഷൂസുമാണ് ധരിച്ചിരുന്നത്. കൂടാതെ ഇയാളുടെ കയ്യിൽ ഒരു ചുവന്ന ബാഗും ഉണ്ടായിരുന്നു. സംഭവത്തെക്കുറിച്ച് എന്തെങ്കിലും വിവരങ്ങൾ ലഭിക്കുന്നവർ ഉടൻ തന്നെ പോലീസുമായി ബന്ധപ്പെടണമെന്ന് അന്വേഷണ ഉദ്യോഗസ്ഥർ പൊതുജനങ്ങളോട് അഭ്യർത്ഥിച്ചു.