നൈജീരിയയിലെ ഐഎസ്ഐഎസ് ഭീകര കേന്ദ്രങ്ങള് ലക്ഷ്യമാക്കി അമേരിക്കന് സൈന്യം ശക്തമായ ആക്രമണം നടത്തിയതായി ഡൊണാള്ഡ് ട്രംപ്
By: 600002 On: Dec 26, 2025, 8:37 AM
പി പി ചെറിയാന്
വാഷിംഗ്ടണ് ഡി സി: നൈജീരിയയിലെ ഐഎസ്ഐഎസ് (ISIS) ഭീകര കേന്ദ്രങ്ങള് ലക്ഷ്യമാക്കി അമേരിക്കന് സൈന്യം ശക്തമായ ആക്രമണം നടത്തിയതായി പ്രസിഡന്റ് ഡൊണാള്ഡ് ട്രംപ് അറിയിച്ചു. ക്രിസ്മസ് ദിനത്തിലാണ് വടക്കുപടിഞ്ഞാറന് നൈജീരിയയില് ഈ വ്യോമാക്രമണം നടന്നത്.
നൈജീരിയയിലെ ക്രിസ്ത്യന് വിശ്വാസികളെ ലക്ഷ്യമിട്ട് ഐഎസ്ഐഎസ് നടത്തുന്ന കൊലപാതകങ്ങള്ക്കും അതിക്രമങ്ങള്ക്കും തിരിച്ചടിയായാണ് ഈ നീക്കമെന്ന് ട്രംപ് വ്യക്തമാക്കി.
'നിരപരാധികളായ ക്രിസ്ത്യാനികളെ ക്രൂരമായി കൊന്നൊടുക്കുന്നത് അവസാനിപ്പിച്ചില്ലെങ്കില് കടുത്ത പ്രത്യാഘാതങ്ങള് നേരിടേണ്ടി വരുമെന്ന് ഞാന് നേരത്തെ മുന്നറിയിപ്പ് നല്കിയിരുന്നു. ഇന്ന് രാത്രി അത് സംഭവിച്ചു,' എന്ന് ട്രംപ് തന്റെ സോഷ്യല് മീഡിയ പ്ലാറ്റ്ഫോമായ ട്രൂത്ത് സോഷ്യലില് കുറിച്ചു.
നൈജീരിയന് അധികൃതരുടെ അഭ്യര്ത്ഥനപ്രകാരം സോബോട്ടോ (Soboto) സംസ്ഥാനത്താണ് ആക്രമണം നടന്നതെന്ന് യുഎസ് ആഫ്രിക്ക കമാന്ഡ് (AFRICOM) സ്ഥിരീകരിച്ചു. നിരവധി ഭീകരര് കൊല്ലപ്പെട്ടതായാണ് റിപ്പോര്ട്ട്.
തന്റെ നേതൃത്വത്തില് തീവ്രവാദത്തെ വളരാന് അനുവദിക്കില്ലെന്നും, ക്രൈസ്തവര്ക്കെതിരെയുള്ള അതിക്രമങ്ങള് തുടര്ന്നാല് ഇനിയും ശക്തമായ തിരിച്ചടികള് ഉണ്ടാകുമെന്നും ട്രംപ് മുന്നറിയിപ്പ് നല്കി.
കഴിഞ്ഞ മാസം തന്നെ നൈജീരിയയിലെ തീവ്രവാദ ഗ്രൂപ്പുകളെ ഉന്മൂലനം ചെയ്യാന് അമേരിക്കന് സൈന്യം നേരിട്ട് ഇടപെട്ടേക്കുമെന്ന് ട്രംപ് സൂചന നല്കിയിരുന്നു.