ഡിസംബര് 31-നകം സ്വയം നാട്ടിലേക്ക് മടങ്ങുന്നവര്ക്ക് സൗജന്യ വിമാന ടിക്കറ്റും 3,000 ഡോളറും വാഗ്ദാനം ചെയ്ത് അമേരിക്ക
By: 600002 On: Dec 24, 2025, 8:57 AM
പി പി ചെറിയാന്
വാഷിംഗ്ടണ്: അനധികൃതമായി രാജ്യത്ത് കഴിയുന്ന കുടിയേറ്റക്കാര് 2025 അവസാനത്തോടെ സ്വമേധയാ അമേരിക്ക വിട്ടുപോവുകയാണെങ്കില് അവര്ക്ക് നല്കുന്ന സാമ്പത്തിക സഹായം (Exit Bonus) 3,000 ഡോളറായി (ഏകദേശം 2.5 ലക്ഷം രൂപ) വര്ദ്ധിപ്പിച്ചു. നേരത്തെ ഇത് 1,000 ഡോളറായിരുന്നു. ഡിസംബര് 31-നകം മടങ്ങുന്നവര്ക്ക് സൗജന്യ വിമാന ടിക്കറ്റും നിയമപരമായ പിഴകളില് ഇളവും ലഭിക്കും.
'സിബിപി ഹോം' എന്ന മൊബൈല് ആപ്പ് വഴി രജിസ്റ്റര് ചെയ്ത് വേണം മടക്കം ഉറപ്പാക്കാന്. ട്രംപ് ഭരണകൂടത്തിന്റെ മാസ് ഡിപ്പോര്ട്ടേഷന് പദ്ധതിയുടെ ഭാഗമായാണ് ഈ മാറ്റം.
ഈ ആനുകൂല്യം പ്രയോജനപ്പെടുത്താത്തവരെ കണ്ടെത്തി അറസ്റ്റ് ചെയ്യുമെന്നും അവര്ക്ക് പിന്നീട് ഒരിക്കലും അമേരിക്കയിലേക്ക് മടങ്ങാന് കഴിയില്ലെന്നും ഹോംലാന്ഡ് സെക്യൂരിറ്റി സെക്രട്ടറി ക്രിസ്റ്റി നോം വ്യക്തമാക്കി.
ഒരാളെ അറസ്റ്റ് ചെയ്ത് നാടുകടത്താന് ശരാശരി 17,000 ഡോളര് ചെലവ് വരും. ഇതിനേക്കാള് ലാഭകരമാണ് സ്വയം മടങ്ങുന്നവര്ക്ക് പണം നല്കുന്നതെന്നാണ് സര്ക്കാരിന്റെ വിലയിരുത്തല്.