ചിക്കാഗോയില് ബസിനുള്ളില് വയോധികനെ മര്ദിച്ച മൂന്ന് കൗമാരക്കാര്ക്കായി തിരച്ചില്
By: 600002 On: Dec 22, 2025, 8:42 AM
പി പി ചെറിയാന്
ചിക്കാഗോ: ഡിസംബര് 16-ന് ചിക്കാഗോയിലെ സി.ടി.എ (CTA) ബസിനുള്ളില് 62 വയസ്സുകാരനെ ക്രൂരമായി മര്ദിച്ച് പരിക്കേല്പ്പിച്ച മൂന്ന് കൗമാരക്കാര്ക്കായി പോലീസ് തിരച്ചില് ആരംഭിച്ചു. സൗത്ത് സിസറോ അവന്യൂവിലൂടെ സഞ്ചരിക്കുകയായിരുന്ന ബസിലായിരുന്നു ആക്രമണം നടന്നത്.
നീല ജാക്കറ്റ് ധരിച്ച കൗമാരക്കാരന്, ഫര് ഹൂഡുള്ള ചുവന്ന ജാക്കറ്റ് ധരിച്ചവന്, വെള്ള ഹൂഡുള്ള ഗ്രേ ജാക്കറ്റ് ധരിച്ചവന് എന്നിങ്ങനെയാണ് പ്രതികളെ തിരിച്ചറിഞ്ഞിട്ടുള്ളത്.
ഡിസംബര് 16 വൈകുന്നേരം 5:40-ഓടെയാണ് സംഭവം. അക്രമത്തില് വയോധികന് ഗുരുതരമായി പരിക്കേറ്റു.
പ്രതികളെക്കുറിച്ച് എന്തെങ്കിലും വിവരം ലഭിക്കുന്നവര് ഏരിയ 4 ഡിറ്റക്ടീവുകളെയോ (3127468251) അല്ലെങ്കില് CPDTIP.com വഴിയോ വിവരമറിയിക്കണമെന്ന് ചിക്കാഗോ പോലീസ് അറിയിച്ചു.
(ഈ വാര്ത്തയുടെ വിശദാംശങ്ങള് ചിക്കാഗോ പോലീസ് ഡിപ്പാര്ട്ട്മെന്റാണ് നല്കിയിരിക്കുന്നത്).