ന്യൂയോര്ക്ക് ഗവര്ണര് സ്ഥാനത്തേക്ക് എലീസ് സ്റ്റെഫാനിക് പിന്മാറിയതോടെ ബ്രൂസ് ബ്ലേക്ക്മാനെ പിന്തുണച്ച് ട്രംപ്
By: 600002 On: Dec 22, 2025, 8:37 AM
പി പി ചെറിയാന്
ന്യൂയോര്ക്ക്: ന്യൂയോര്ക്ക് ഗവര്ണര് സ്ഥാനത്തേക്കുള്ള മത്സരത്തില് റിപ്പബ്ലിക്കന് സ്ഥാനാര്ത്ഥിയായി നസ്സാവു കൗണ്ടി എക്സിക്യൂട്ടീവ് ബ്രൂസ് ബ്ലേക്ക്മാനെ പ്രസിഡന്റ് ഡോണള്ഡ് ട്രംപ് പിന്തുണച്ചു. മത്സരരംഗത്തുണ്ടായിരുന്ന പ്രമുഖ റിപ്പബ്ലിക്കന് നേതാവ് എലീസ് സ്റ്റെഫാനിക് പിന്മാറിയതിന് തൊട്ടുപിന്നാലെയാണ് ട്രംപിന്റെ ഈ പ്രഖ്യാപനം.
ബ്ലേക്ക്മാന് പൂര്ണ്ണമായും' (Make America Great Again) നയങ്ങള് പിന്തുടരുന്ന വ്യക്തിയാണെന്ന് ട്രംപ് സോഷ്യല് മീഡിയയിലൂടെ വ്യക്തമാക്കി. ക്രമസമാധാന പാലനത്തിലും കുടിയേറ്റ നിയന്ത്രണത്തിലും അദ്ദേഹം നടത്തുന്ന പ്രവര്ത്തനങ്ങളെ ട്രംപ് പ്രശംസിച്ചു.
ശക്തമായ മത്സരമുണ്ടാകുമെന്ന് കരുതിയിരുന്ന എലീസ് സ്റ്റെഫാനിക് ശനിയാഴ്ച മത്സരത്തില് നിന്ന് പിന്മാറി. പാര്ട്ടിയില് ഭിന്നത ഒഴിവാക്കാനാണ് ഈ നീക്കമെന്നാണ് സൂചന.
ട്രംപിന്റെ പിന്തുണയില് താന് കടപ്പെട്ടിരിക്കുന്നുവെന്നും, ന്യൂയോര്ക്കിനെ സുരക്ഷിതവും ചിലവ് കുറഞ്ഞതുമായ നഗരമാക്കി മാറ്റാന് ട്രംപുമായി ചേര്ന്ന് പ്രവര്ത്തിക്കുമെന്നും ബ്ലേക്ക്മാന് പറഞ്ഞു.
2002-ന് ശേഷം ന്യൂയോര്ക്കില് ഒരു റിപ്പബ്ലിക്കന് ഗവര്ണര് തിരഞ്ഞെടുക്കപ്പെട്ടിട്ടില്ല. നിലവിലെ ഡെമോക്രാറ്റിക് ഗവര്ണര് കാത്തി ഹോക്കലിനെ പരാജയപ്പെടുത്താനാണ് റിപ്പബ്ലിക്കന് പാര്ട്ടി ലക്ഷ്യമിടുന്നത്.