സബ്‌വേ ട്രെയിനിൽ കത്തിയുമായി പരിഭ്രാന്തി പടർത്തി യാത്രക്കാരിലൊരാൾ

സബ്‌വേ ട്രെയിനിൽ കത്തിയുമായി പരിഭ്രാന്തി പടർത്തി യാത്രക്കാരിലൊരാൾ. ഈ ആഴ്ച ടൊറൻ്റേോയിലെ സബ്‌വേ ട്രെയിനിലായിരുന്നു സംഭവം. ഇത് എല്ലാ യാത്രക്കാരെയും വലിയ ആശങ്കയിലാഴ്ത്തി. ഒടുവിൽ സമചിത്തതയോടെ ഇടപെട്ട ഒരു യാത്രക്കാരൻ്റെ നടപടികളാണ് സ്ഥിതിഗതി ശാന്തമാക്കിയത്. 

കത്തി കൈവശം വെച്ചിരുന്ന ആളോട് അദ്ദേഹം വളരെ ദൃഢതയോടെ സംസാരിച്ചു. ആരെയും ഉപദ്രവിക്കാതെ ട്രെയിനിൽ നിന്ന് ഇറങ്ങിപ്പോകാൻ അദ്ദേഹം ആ വ്യക്തിയെ ഉപദേശിച്ചു. ട്രെയിനിലെ മറ്റ് യാത്രക്കാർ ശ്വാസമടക്കിപ്പിടിച്ചാണ് ഈ രംഗങ്ങൾ കണ്ടുനിന്നത്. ഒടുവിൽ ആ വ്യക്തി ട്രെയിനിൽ നിന്ന് പുറത്തിറങ്ങുകയും വലിയൊരു അപകടം ഒഴിവാകുകയും ചെയ്തു. പോലീസ് പിന്നീട് ഈ സംഭവം സ്ഥിരീകരിക്കുകയും  സമയോചിതമായ ഇടപെടലിനെ പ്രശംസിക്കുകയും ചെയ്തു. മറ്റുള്ളവരുടെ ജീവൻ രക്ഷിച്ച അദ്ദേഹത്തെ യാത്രക്കാർ "സബ്‌വേ ഹീറോ" എന്നാണ് വിശേഷിപ്പിച്ചത്. ഈ സംഭവം ടൊറൻ്റോയിലെ പൊതുഗതാഗത സംവിധാനത്തിൻ്റെ സുരക്ഷയെക്കുറിച്ച് വീണ്ടും ആശങ്കകൾ ഉയർത്തിയിട്ടുണ്ട്. കേസ് പരിശോധിച്ചുവരികയാണെന്നും യാത്രക്കാർ ജാഗ്രത പാലിക്കണമെന്നും അധികൃതർ അറിയിച്ചു.