ഭരണനേട്ടങ്ങള് എണ്ണിപ്പറഞ്ഞ് ഡൊണാള്ഡ് ട്രംപ്
By: 600002 On: Dec 18, 2025, 1:02 PM
ഭരണനേട്ടങ്ങള് എണ്ണിപ്പറഞ്ഞ് അമേരിക്കന് പ്രസിഡന്റ് ഡോണള്ഡ് ട്രംപ്. അനധികൃത കുടിയേറ്റക്കാര്ക്കെതിരായ നടപടികള് ശക്തിപ്പെടുത്തിയതോടെ രാജ്യം കൂടുതല് സുരക്ഷിതമായതായി ട്രംപ് പറഞ്ഞു. മയക്കുമരുന്ന് കടത്ത് 90 ശതമാനം വരെ ഇല്ലാതാക്കാന് കഴിഞ്ഞുവെന്നും അദ്ദേഹം അവകാശപ്പെട്ടു. പത്ത് മാസത്തിനിടെ ലോകത്ത് എട്ട് യുദ്ധങ്ങള് അവസാനിപ്പിച്ചതായും ട്രംപ് പറഞ്ഞു.
ബൈഡന് ഭരണകാലത്തേക്കാള് വിലക്കയറ്റം കുറയ്ക്കാന് കഴിഞ്ഞതായും വേതനങ്ങള് ഉയരുകയാണെന്നും ട്രംപ് വ്യക്തമാക്കി. സ്വകാര്യമേഖലയില് തൊഴിലവസരങ്ങള് വര്ധിച്ചുവെന്നും അമേരിക്കന് പൗരന്മാര്ക്ക് കൂടുതല് തൊഴില് ഉറപ്പാക്കാന് കഴിഞ്ഞതായും നികുതിയിളവുകള് ജനങ്ങളുടെ ജീവിത നിലവാരം മെച്ചപ്പെടുത്തിയതായും അദ്ദേഹം പറഞ്ഞു.