മാഗ് (MAGH) തെരഞ്ഞെടുപ്പില് 'ടീം യുണൈറ്റഡിന്' ചരിത്ര വിജയം; റോയി മാത്യു പ്രസിഡന്റ്
By: 600002 On: Dec 15, 2025, 11:06 AM
അജു വാരിക്കാട് - ജീമോന് റാന്നി ടീം
ഹൂസ്റ്റണ്: മലയാളി അസോസിയേഷന് ഓഫ് ഗ്രേറ്റര് ഹൂസ്റ്റണ് (MAGH) 202627 ഭരണസമിതിയിലേക്കുള്ള തെരഞ്ഞെടുപ്പില് 'ടീം യുണൈറ്റഡ്' പാനലിന് ചരിത്ര വിജയം. പ്രസിഡന്റ്, ട്രസ്റ്റി ബോര്ഡ്, എക്സിക്യൂട്ടീവ് കമ്മിറ്റി, ബോര്ഡ് ഓഫ് ഡയറക്ടേഴ്സ് തുടങ്ങി എല്ലാ സീറ്റുകളിലും ടീം യുണൈറ്റഡ് സ്ഥാനാര്ത്ഥികള് വന് ഭൂരിപക്ഷത്തോടെ വിജയിച്ചു.
പ്രസിഡന്റ് സ്ഥാനത്തേക്ക് മത്സരിച്ച റോയി സി. മാത്യു 1509 വോട്ടുകള് നേടി ഉജ്ജ്വല വിജയം കരസ്ഥമാക്കി. എതിര് സ്ഥാനാര്ത്ഥിയായ ചാക്കോ പി. തോമസിന് 836 വോട്ടുകള് മാത്രമാണ് ലഭിച്ചത്.
ട്രസ്റ്റി ബോര്ഡ് & എക്സിക്യൂട്ടീവ് കമ്മിറ്റി ഫലങ്ങള്:
ട്രസ്റ്റി ബോര്ഡ്: ക്ലാരമ്മ മാത്യൂസ് (1593 വോട്ടുകള്) വിജയിച്ചു. (എതിരാളി ജോസഫ് മത്തായി ഒലിക്കന് - 715 വോട്ടുകള്).
വനിതാ പ്രതിനിധികള് (Women's Representatives): അമ്പിളി ആന്റണി (1514 വോട്ടുകള്), അനില സന്ദീപ് (1367 വോട്ടുകള്) എന്നിവര് തിരഞ്ഞെടുക്കപ്പെട്ടു.
യൂത്ത് റെപ്രസെന്റേറ്റീവ്: മൈക്കിള് ജോയ് (1307 വോട്ടുകള്) വിജയിച്ചു. (എതിരാളി ഡോ. നവീന് പാത്തിയില് - 1013 വോട്ടുകള്).
ബോര്ഡ് ഓഫ് ഡയറക്ടേഴ്സ് (Top 11): ബോര്ഡ് ഓഫ് ഡയറക്ടേഴ്സിലേക്കുള്ള 11 സീറ്റുകളിലും ടീം യുണൈറ്റഡ് തൂത്തുവാരി. 1582 വോട്ടുകള് നേടി ഷിനു എബ്രഹാം ആണ് ഏറ്റവും കൂടുതല് വോട്ടുകള് കരസ്ഥമാക്കിയത്.
വിജയിച്ച ബോര്ഡ് അംഗങ്ങളും അവര്ക്ക് ലഭിച്ച വോട്ടുകളും താഴെ പറയുന്നവയാണ്:
ഷിനു എബ്രഹാം: 1582
ജീവന് സൈമണ്: 1574
വിനോദ് ചെറിയാന്: 1551
മാത്യു തോമസ് (സന്തോഷ് ആറ്റുപുറം): 1499
ഡോ. സുബിന് ബാലകൃഷ്ണന്: 1494
ജിന്സ് മാത്യു: 1462
സാജന് ജോണ്: 1431
ബനീജ ചെറു: 1422
ഡെന്നീസ് മാത്യു: 1268
ബിജു ശിവന്: 1266
സുനില് തങ്കപ്പന്: 1251
എതിര് പാനലായ 'ടീം ഹാര്മണി'യുടെ സ്ഥാനാര്ത്ഥികളേക്കാള് ബഹുദൂരം മുന്നിലെത്തിയാണ് ടീം യുണൈറ്റഡ് സ്ഥാനാര്ത്ഥികള് വിജയം ഉറപ്പിച്ചത്. ഹൂസ്റ്റണിലെ മലയാളി സമൂഹം ടീം യുണൈറ്റഡിന്റെ വികസന നയങ്ങളെയും നേതൃത്വത്തെയും പൂര്ണ്ണമായി അംഗീകരിക്കുന്നതാണ് ഈ തിരഞ്ഞെടുപ്പ് ഫലം സൂചിപ്പിക്കുന്നത്.