നടിയെ ആക്രമിച്ച കേസ്: പള്സര് സുനി അടക്കം ആറ് പ്രതികള്ക്ക് 20 വര്ഷം തടവ് ശിക്ഷ
By: 600002 On: Dec 12, 2025, 11:32 AM
നടിയെ ആക്രമിച്ച കേസില് പള്സര് സുനി ഉള്പ്പെടെ ആറ് പ്രതികള്ക്കും 20 വര്ഷം തടവ്. പ്രോസിക്യൂഷന്റെയും പ്രതികളുടെയും വാദം കേട്ട ശേഷമാണ് എറണാകുളം പ്രിന്സിപ്പല് സെഷന്സ് ജഡ്ജി ഹണി എം വര്ഗീസ് ശിക്ഷ വിധിച്ചത്. പള്സര് സുനിയെ കൂടാതെ, മാര്ട്ടിന് ആന്റണി ബി. മണികണ്ഠന്, പിവി വിജീഷ്, എച്ച് സലിം(വടിവാള് സലിം), പ്രദീപ് എന്നിവര് കുറ്റക്കാരാണെന്ന് തിങ്കളാഴ്ച കോടതി കണ്ടെത്തിയിരുന്നു.
കൂട്ടബലാത്സംഗം ഉള്പ്പെടെയുള്ള കുറ്റങ്ങളാണ് പ്രതികള്ക്കെതിരെ തെളിഞ്ഞിട്ടുള്ളത്. പ്രതികള് 50,000 രൂപ പിഴയും അടയ്ക്കണം. പിഴ ഒടുക്കിയില്ലെങ്കില് ഒരു വര്ഷം കൂടി തടവ് അനുഭവിക്കണം. അതിജീവിതയ്ക്ക് 5 ലക്ഷം നല്കണം. പ്രതികളുടെ പ്രായവും കുടുംബ പശ്ചാത്തലവും പരിഗണിച്ചുകൊണ്ടാണ് ജഡ്ജി ശിക്ഷ വിധിച്ചത്.