നടിയെ ആക്രമിച്ച കേസ്: നടന് ദിലീപ് കുറ്റവിമുക്തന്, ആറ് പ്രതികളുടെ കുറ്റം തെളിഞ്ഞതായി കോടതി
By: 600002 On: Dec 8, 2025, 10:32 AM
നടിയെ ആക്രമിച്ച കേസില് നടന് ദിലീപ് കുറ്റവിമുക്തന്. അതേസമയം, ഒന്ന് മുതല് ആറ് വരെയുള്ള പ്രതികളുടെ കുറ്റം തെളിഞ്ഞതായി കോടതി വ്യക്തമാക്കി. ദിലീപ് എട്ടാം പ്രതിയായ കേസില് എറണാകുളം പ്രിന്സിപ്പല് സെഷന്സ് ജഡ്ജി ഹണി എം വര്ഗീസാണ് ആറ് പേര് പ്രതികളാണെന്ന് വിധിച്ചത്. ഇവര്ക്കുള്ള ശിക്ഷ ഈ മാസം 12ന് വിധിക്കും.
കുറ്റക്കാരെന്ന് കോടതി വിധിച്ച പ്രതികളുടെ ജാമ്യം റദ്ദാക്കിയിട്ടുണ്ട്. ഒന്നാം പ്രതി സുനില് എന് എസ് എന്ന പള്സര് സുനി, രണ്ടാം പ്രതി മാര്ട്ടിന് ആന്റണി, മൂന്നാം പ്രതി ബി മണികണ്ഠന്, നാലാം പ്രതി വി പി വിജീഷ്, അഞ്ചാം പ്രതി എച്ച് സലിം എന്ന വടിവാള് സലീം, ആറാം പ്രതി പ്രദീപ് എന്നിവരാണ് കോടതി കുറ്റക്കാരെന്ന് കണ്ടെത്തിയത്. ഏഴാം പ്രതി ചാര്ളി, തോമസ്, ഒന്പതാം പ്രതി സനില് കുമാര്, പത്താം പ്രതി ശരത് ജി നായര് എന്നിവരെയാണ് എട്ടാം പ്രതി ദിലീപിനൊപ്പം കോടതി വെറുതെ വിട്ടത്.
നടിയെ ആക്രമിച്ച് അപകീര്ത്തിപരമായ ദൃശ്യങ്ങള് പകര്ത്തിയെന്ന കേസില് വിധിവരുന്നത് സംഫഭവം നടന്ന് എട്ട് വര്ഷത്തിന് ശേഷമാണ്.