ഇന്ഡിഗോ യാത്രാ മുടക്കം: ഇടപെട്ട് പ്രധാനമന്ത്രി; പിഴ ചുമത്താന് ആലോചന
By: 600002 On: Dec 6, 2025, 12:20 PM
ഇന്ഡിഗോ പ്രതിസന്ധിയില് ഇടപെട്ട് പ്രധാനമന്ത്രി. പ്രശ്നം വ്യോമയാന മന്ത്രാലയം പ്രധാനമന്ത്രി മോദിയെ ധരിപ്പിച്ചു. ക്യാന്സലേഷന് റീഫണ്ട് നേരിട്ട് അക്കൗണ്ടുകളില് എത്തുമെന്ന് ഇന്ഡിഗോ അറിയിച്ചു. ഇന്ഡിഗോ അധികൃതരെ വ്യോമയാന മന്ത്രാലയം വിളിപ്പിച്ചു. 6 മണിക്ക് ഹാജരാകാനാണ് നിര്ദേശം. ഇന്ഡിഗോക്ക് പിഴ ചുമത്താനും ആലോചന.
പുതിയ വിമാന നിരക്കുകള് വ്യോമയാന മന്ത്രാലയം പ്രഖ്യാപിച്ചു. 500 കിലോമീറ്റര് പരിധിക്ക് ഈടാക്കാന് ആക്കുന്നത് പരമാവധി 7500 രൂപ. 500-1000കിലോമീറ്റര് ദൂരത്തിനു പരമാവധി 12000 രൂപ. 1000- 1500 കിലോമീറ്റര് വരെ പരമാവധി 15000 രൂപ എന്നിവയാണ് നിരക്ക്. നിശ്ചയിച്ച പരിധിക്ക് അപ്പുറം വിമാനക്കമ്പനികള്ക്ക് ഈടാക്കാന് ആകില്ല. ബിസിനസ്സ് ക്ലാസ്സ്, ഉഡാന് സര്വീസുകള്ക്ക് പരിധി ബാധകമല്ല.