ഉല്പ്പന്നങ്ങളില് പ്ലാസ്റ്റിക് കണ്ടെത്തിയതിനെതുടര്ന്നു സാലഡ് ഡ്രെസ്സിംഗ് തിരികെ വിളിച്ച് FDA
By: 600002 On: Dec 6, 2025, 8:10 AM
പി പി ചെറിയാന്
ന്യൂയോര്ക്: 27 സംസ്ഥാനങ്ങളില് വിതരണം ചെയ്ത ആയിരക്കണക്കിന് ഗാലന് സാലഡ് ഡ്രെസ്സിംഗുകളും മറ്റ് ഉല്പ്പന്നങ്ങളും എഫ്.ഡി.എ. (ഫുഡ് ആന്ഡ് ഡ്രഗ് അഡ്മിനിസ്ട്രേഷന്) തിരികെ വിളിച്ചു (Recall).
ഈ ഉല്പ്പന്നങ്ങളില് 'ബ്ലാക്ക് പ്ലാസ്റ്റിക്' അടക്കമുള്ള അന്യവസ്തുക്കള് കലരാന് സാധ്യതയുണ്ടെന്ന് കണ്ടെത്തി. ഇത് സുരക്ഷാ ഭീഷണിയുണ്ടാക്കുന്നു.
വെഞ്ചുറ ഫുഡ്സ് LLC (Ventura Foods LLC) നിര്മ്മിച്ചതും 'ഹിഡന് വാലി ബട്ടര് മില്ക്ക് റാഞ്ച്', 'കോസ്റ്റ്കോ സര്വീസ് ഡെലി സീസര് ഡ്രെസ്സിംഗ്', 'പബ്ലിക്സ് ഡെലി കരോലിന-സ്റ്റൈല് മസ്റ്റാര്ഡ് ആആഝ സോസ്' തുടങ്ങിയ ബ്രാന്ഡുകളില് വിതരണം ചെയ്ത ഉല്പ്പന്നങ്ങളെയാണ് തിരികെ വിളിച്ചിരിക്കുന്നത്.
ഉല്പ്പന്നങ്ങള് ഗുരുതരമായ ആരോഗ്യപ്രശ്നങ്ങള്ക്ക് കാരണമാകാന് സാധ്യത കുറവാണെങ്കിലും, ഇത് ക്ലാസ് II റിസ്ക് വിഭാഗത്തില്പ്പെടുത്തിയിട്ടുണ്ട്.
ഉപഭോക്താക്കള് ബാധിക്കപ്പെട്ട ഉല്പ്പന്നങ്ങള് ഉപയോഗിക്കരുതെന്നും അവ വലിച്ചെറിയണമെന്നും എഫ്.ഡി.എ. നിര്ദ്ദേശിച്ചു.