അഫ്ഗാനിസ്ഥാനില് വീണ്ടും പരസ്യ വധശിക്ഷ; വധശിക്ഷ നടപ്പാക്കിയത് 13 വയസ്സുകാരനെന്ന് റിപ്പോര്ട്ട്
By: 600002 On: Dec 3, 2025, 9:52 AM
അഫ്ഗാനിസ്ഥാനില് വീണ്ടും പരസ്യ വധശിക്ഷ. കിഴക്കന് അഫ്ഗാനിസ്ഥാനിലെ ഖോസ്റ്റിലാണ് സംഭവം. ഒന്പത് കുട്ടികള് ഉള്പ്പെടെ ഒരു കുടുംബത്തിലെ 13 പേരെ കൊലപ്പെടുത്തിയ കേസില് ശിക്ഷിക്കപ്പെട്ട ആളെയാണ് ഖോസ്റ്റിലെ സ്റ്റേഡിയത്തില് വെച്ച് എണ്പതിനായിരത്തോളം ജനങ്ങള് നോക്കിനില്ക്കെ വധിച്ചത്. കൊല്ലപ്പെട്ടവരുടെ കുടുംബാംഗമായ പതിമൂന്ന് വയസ്സുകാരനാണ് പ്രതിയെ വെടിവെച്ച് കൊന്നതെന്നാണ് റിപ്പോര്ട്ട്.
പ്രതിയെ അഫ്ഗാനിസ്ഥാന് സുപ്രീംകോടതി കുറ്റക്കാരനെന്ന് കണ്ടെത്തിയിരുന്നു. താലിബാന് പരമോന്നത നേതാവ് ഹിതത്തുള്ള അഖുന്ഡ്സാദ വധശിക്ഷയ്ക്ക് അംഗീകാരം നല്കുകയായിരുന്നു. 2021 ല് താലിബാന് അധികാരത്തിലെത്തിയ ശേഷം നടക്കുന്ന 11 ആമത്തെ വധശിക്ഷയാണിത്.