യാത്രാവിലക്കേര്പ്പെടുത്തിയ 19 രാജ്യങ്ങളില് നിന്നുള്ളവരുടെ കുടിയേറ്റ അപേക്ഷകള് അമേരിക്ക നിര്ത്തിവെച്ചതായി റിപ്പോര്ട്ട്
By: 600002 On: Dec 3, 2025, 7:57 AM
അമേരിക്ക യാത്രാവിലക്കേര്പ്പെടുത്തിയ 19 രാജ്യങ്ങളില് നിന്നുള്ളവരുടെ കുടിയേറ്റ അപേക്ഷകള് നിര്ത്തിവെച്ചതായി റിപ്പോര്ട്ട്. ഗ്രീന്കാര്ഡുകളും പൗരത്വ അപേക്ഷകളും ഉള്പ്പെടെയുള്ളവയും നിര്ത്തിവെച്ചതായി അന്താരാഷ്ട്ര മാധ്യമം റിപ്പോര്ട്ട് ചെയ്തു. അമേരിക്കന് ഭരണകൂടം നിലവിലെ സ്ഥിതി സൂക്ഷ്മ പരിശോധന നടത്തുന്നതുവരെ യുഎസ് സിറ്റിസണ്ഷിപ്പ് ആന്ഡ് ഇമിഗ്രേഷന് സര്വീസസ് പൂര്ണമായി നിര്ത്തിവെച്ചതായി ഉദ്യോഗസ്ഥര് അറിയിച്ചുവെന്ന് റിപ്പോര്ട്ട് ചെയ്യുന്നു.
അഫ്ഗാനിസ്ഥാന്, മ്യാന്മര്, ചാഡ്, റിപ്പബ്ലിക് ഓഫ് കോംഗോ, ഗിനി, എറിത്രിയ, ഹെയ്തി, ലിബിയ, സൊമാലിയ, സുഡാന്, യെമെന്, ബുറുണ്ഡി, ക്യൂബ, ലാവോസ്, സിയെറാ ലിയോണ്, ടോഗോ, തിര്ക്ക്മെനിസ്ഥാന്, വെനസ്വേല എന്നിവടങ്ങളില് നിന്നുള്ള അപേക്ഷകര്ക്കാണ് ഈ വിലക്ക് ബാധമാവുക.
വാഷിംഗ്ടണില് രണ്ട് വെസ്റ്റ് വിര്ജീനിയന് ഗാര്ഡുകളെ വെടിവെച്ചതിനു പിന്നാലെ ആ രാജ്യങ്ങളില് നിന്നുള്ള കുടിയേറ്റങ്ങള് താല്ക്കാലികമായി നിര്ത്തുകയാണെന്ന് ട്രംപ് പ്രഖ്യാപിച്ചിരുന്നു.