തിരിച്ചറിയല് രേഖ ഇല്ലാത്ത യാത്രക്കാര്ക്ക് ഇനി 45 ഡോളര് ഫീസ്: ടിഎസ്എ
By: 600002 On: Dec 2, 2025, 8:45 AM
പി പി ചെറിയാന്
വാഷിംഗ്ടണ് ഡി സി :ട്രാന്സ്പോര്ട്ടേഷന് സെക്യൂരിറ്റി അഡ്മിനിസ്ട്രേഷന് (TSA) ഒരു പുതിയ പ്രഖ്യാപനം നടത്തി. റിയല് ഐഡി (REAL ID) ഇല്ലാത്തതോ പാസ്പോര്ട്ട് ഇല്ലാത്തതോ ആയ യാത്രക്കാര്ക്ക് 2026 ഫെബ്രുവരി 1 മുതല് വിമാനത്താവള സുരക്ഷാ പരിശോധനാ കേന്ദ്രങ്ങളില് (airport security checkpoints) 45 ഡോളര് ഫീസ് നല്കേണ്ടിവരും.
നേരത്തെ 18 ഡോളര് ആയിരുന്നു ഫീസ് നിര്ദ്ദേശിച്ചിരുന്നതെങ്കിലും, ഇപ്പോള് അത് 45 ഡോളര് ആയി ഉയര്ത്തി. റിയല് ഐഡി നടപ്പാക്കലിന്റെ അടുത്ത ഘട്ടമായാണ് ഈ ഫീസ് ഏര്പ്പെടുത്തുന്നത്.
അംഗീകൃത തിരിച്ചറിയല് രേഖയില്ലാത്തവര്ക്ക്, ചെക്ക്പോയിന്റ് കടന്നുപോകാന് അനുമതി ലഭിക്കുന്നതിന് മുന്പ്, ബയോമെട്രിക് അല്ലെങ്കില് ബയോഗ്രാഫിക് സംവിധാനം വഴി വ്യക്തിത്വം സ്ഥിരീകരിക്കേണ്ടതുണ്ട്.
ഈ ഫീസ് ഐഡി വെരിഫിക്കേഷന് പ്രോഗ്രാമുമായി ബന്ധപ്പെട്ട ഭരണപരവും ഐടി (IT) പരവുമായ ചെലവുകള് നികുതിദായകര്ക്ക് (taxpayers) പകരം യാത്രക്കാര് തന്നെ വഹിക്കുന്നതിന് വേണ്ടിയാണ് എന്ന് TSA അറിയിച്ചു.
റിയല് ഐഡി ഇല്ലാത്തവര്ക്ക് TSA.gov എന്ന വെബ്സൈറ്റ് വഴി വ്യക്തിത്വം സ്ഥിരീകരിക്കാനും ഫീസ് അടയ്ക്കാനും സാധിക്കും. ഈ നടപടിക്രമത്തിന് ഏകദേശം 10 മുതല് 15 മിനിറ്റ് വരെ സമയമെടുക്കും.
ഫീസ് അടച്ച് സ്ഥിരീകരിച്ചാലും ചെക്ക്പോയിന്റ് കടന്നുപോകാന് അനുമതി ലഭിക്കുമെന്നതിന് ഉറപ്പില്ല എന്നും ഠടഅ മുന്നറിയിപ്പ് നല്കുന്നു.
ഒരിക്കല് ഫീസ് അടച്ച് വെരിഫൈ ചെയ്താല് പത്ത് ദിവസത്തേക്ക് ഠടഅ ചെക്ക്പോയിന്റ് വഴി കടന്നുപോകാന് അനുമതി ലഭിക്കും. അതിനുശേഷം വീണ്ടും റിയല് ഐഡി ഇല്ലാതെ യാത്ര ചെയ്യുകയാണെങ്കില് വീണ്ടും ഫീസ് നല്കണം.
നിലവില് ഏകദേശം 94% യാത്രക്കാരും റിയല് ഐഡിയോ മറ്റ് അംഗീകൃത ഐഡന്റിഫിക്കേഷനുകളോ ആണ് ഉപയോഗിക്കുന്നത്.