കാനഡയിൽ പുതിയൊരിനം പകർച്ചപ്പനിയുടെ വ്യാപനത്തിന് സാധ്യത, ജാഗ്രതാ നിർദ്ദേശവുമായി ആരോഗ്യ വിദഗ്ധർ

നിരവധി രാജ്യങ്ങളിൽ വ്യാപിച്ചു കൊണ്ടിരിക്കുന്ന പുതിയൊരു തരം ഫ്ലൂ സ്ട്രെയിൻ ഈ അവധിക്കാലത്ത് കാനഡയിലും പടർന്നു പിടിക്കാൻ സാധ്യതയുണ്ടെന്നാണ് ആരോഗ്യ വിദഗ്ധർ മുന്നറിയിപ്പ് നൽകിയത്. ഒത്തുചേരലുകളിലും യാത്രകളിലും ആളുകൾ പ്രത്യേകം ശ്രദ്ധിക്കണമെന്നും അവർ നിർദ്ദേശിച്ചു. ഫ്ലൂ വാക്സിൻ എടുക്കുന്നതാണ് സ്വയം സംരക്ഷിക്കാനുള്ള ഏറ്റവും നല്ല മാർഗ്ഗമെന്ന് ഡോക്ടർമാർ പറയുന്നു. വാക്സിൻ മുൻ വർഷങ്ങളിലെപ്പോലെ ഫലപ്രദമായില്ലെങ്കിൽ പോലും, അത് രോഗം ഗുരുതരമാകാതിരിക്കാനും ആശുപത്രിവാസത്തിനുള്ള സാധ്യത കുറയ്ക്കാനും സഹായിക്കും.

വാക്സിൻ എടുത്തവർക്ക് വളരെ ഗുരുതരമായ രീതിയിൽ അസുഖം വരാനുള്ള സാധ്യത കുറവാണെന്ന് എ.ബി.സി. ന്യൂസ് മെഡിക്കൽ കോൺട്രിബ്യൂട്ടർ ഡോ. അലോക് പട്ടേൽ പറഞ്ഞു. അവധിക്കാല പാർട്ടികൾ പ്ലാൻ ചെയ്തിട്ടുണ്ടെങ്കിൽ പോലും, ഫ്ലൂ ലക്ഷണങ്ങളുള്ളവർ വീട്ടിൽ തന്നെ കഴിയണം എന്നും അദ്ദേഹം ഉപദേശിച്ചു. വൈറസ് പടരുന്നത് തടയാൻ കൈകൾ ഇടയ്ക്കിടെ കഴുകുന്നത് നല്ലതാണ്. ചുമയ്ക്കുമ്പോഴോ തുമ്മുമ്പോഴോ വായ മൂടാൻ ശ്രദ്ധിക്കണം. പൊതുസ്ഥലങ്ങളിൽ, മാസ്ക് ധരിക്കുന്നതും രോഗവ്യാപനം കുറയ്ക്കാൻ സഹായിക്കും. ഫ്ലൂ സീസണിൽ വ്യക്തിപരമായ ഉത്തരവാദിത്തം പ്രധാനമാണെന്ന് വിദഗ്ദ്ധർ വ്യക്തമാക്കി. ലളിതമായ മുൻകരുതലുകൾ എടുക്കുന്നത് ഭാവിയിൽ ഉണ്ടാകാൻ സാധ്യതയുള്ള ഗുരുതരമായ ആരോഗ്യപ്രശ്നങ്ങളെ തടയാനും സഹായിക്കും.