അരവണ വരുമാനം 47 കോടി, ശബരിമലയില് ആദ്യ 15 ദിവസത്തെ വരുമാനം 92 കോടി; 33.33 ശതമാനം വര്ധന
By: 600002 On: Dec 1, 2025, 10:55 AM
202526 മണ്ഡല- മകരവിളക്ക് തീര്ത്ഥാടന കാലയളവില് ആദ്യത്തെ 15 ദിവസം ശബരിമലയില് ദേവസ്വം ബോര്ഡിന് ലഭിച്ച ആകെ വരുമാനം 92 കോടി രൂപ. കഴിഞ്ഞ സീസണില് ഇതേ സമയത്തെ അപേക്ഷിച്ച് (69 കോടി) 33.33 ശതമാനം കൂടുതല്. നവംബര് 30 വരെയുള്ള കണക്കാണിത്.
അപ്പം വില്പ്പനയില് നിന്ന് ഇതുവരെ 3.5 കോടി രൂപയാണ് ലഭിച്ചത്. കഴിഞ്ഞ വര്ഷവും ഏകദേശം ഇതേ തുക തന്നെയായിരുന്നു ലഭിച്ചിരുന്നത്. കാണിക്കയില് നിന്നുള്ള വരുമാനം 2024 ല് ഇതേ സമയം 22 കോടി ആയിരുന്നപ്പോള് ഈ സീസണില് അത് 26 കോടിയായി; 18.18 ശതമാനം വര്ധന. ഈ സീസണില് 13 ലക്ഷത്തോളം തീര്ത്ഥാടകരാണ് നവംബര് 30 വരെ ശബരിമലയില് എത്തിയത്.