ഒൻ്റാരിയോയിൽ 3.2 ബില്യൺ ഡോളർ നിക്ഷേപം: 1000 തൊഴിലവസരങ്ങളുമായി ഗ്രാഫൈറ്റ് പ്ലാൻ്റ്

 

നോർവീജിയൻ സിന്തറ്റിക് ഗ്രാഫൈറ്റ് നിർമ്മാതാക്കളായ വിയാനോഡ് (Vianode), കാനഡയിലെ  ഒൻ്റാരിയോയിലുള്ള സെൻ്റ് തോമസിൽ 3.2 ബില്യൺ ഡോളർ (ഏകദേശം 26,000 കോടി രൂപ) നിക്ഷേപം നടത്തുന്നു. പുതിയ നിർമ്മാണ സ്ഥാപനത്തിന് പ്രീമിയർ ഡഗ് ഫോർഡ് ഏകദേശം 5,500 കോടി രൂപ ധനസഹായം അനുവദിച്ചിട്ടുണ്ട്.

 2028-ൽ ഉത്പാദനം ആരംഭിക്കുമ്പോൾ 300 പേർക്ക് ഈ പ്ലാൻ്റിൽ ജോലി ലഭിക്കുമെന്ന് ചീഫ് എക്സിക്യൂട്ടീവ് ബുർക്കാർഡ് സ്ട്രോബ് പറഞ്ഞു. പിന്നീടിത് ആയിരമാക്കി ഉയർത്താനാകുമെന്നാണ് പ്രതീക്ഷ. നിലവിൽ പശ്ചിമേഷ്യൻ ഇലക്ട്രിക് വാഹന (EV) ബാറ്ററി നിർമ്മാതാക്കൾ 100% ഗ്രാഫൈറ്റും ഏഷ്യയിൽ നിന്നാണ് ഇറക്കുമതി ചെയ്യുന്നത്. എന്നാൽ, ഈ പ്ലാൻ്റ് നിലവിൽ വരുന്നതോടെ വിതരണ ശൃംഖലയിൽ സ്വാശ്രയത്വം കൈവരിക്കാനാകുമെന്നും, G7 രാജ്യങ്ങൾക്ക് നിർണ്ണായക ധാതുക്കളുടെ സുസ്ഥിരമായ വിതരണം ഉറപ്പാക്കാനാകുമെന്നും സ്ട്രോബ് കൂട്ടിച്ചേർത്തു. വിയാനോഡിൻ്റെ വടക്കേ അമേരിക്കയിലെ ആദ്യത്തെ സ്ഥാപനമാണിത്. കൂടാതെ,  ഏറ്റവും വലിയ സിന്തറ്റിക് ഗ്രാഫൈറ്റ് പ്ലാൻ്റായിരിക്കും ഇത്. പ്രതിവർഷം ഏകദേശം 150,000 ടൺ ഗ്രാഫൈറ്റ് ഉത്പാദിപ്പിക്കാൻ ഈ പ്ലാന്റിന് ശേഷിയുണ്ടാകും.  ഇത് ഏകദേശം ഇരുപത് ലക്ഷത്തിലധികം ഇലക്ട്രിക് വാഹനങ്ങൾക്ക് ആവശ്യമായ ഗ്രാഫൈറ്റിന് തുല്യമാണ്.