താലിബാനുമായുള്ള ബന്ധം പൂര്‍ണമായും തകര്‍ന്നുവെന്ന് പാക്കിസ്ഥാന്‍ 

 

അഫ്ഗാനിസ്ഥാനിലെ താലിബാന്‍ ഭരണകൂടവുമായി ബന്ധം സ്ഥാപിക്കാനുള്ള ശ്രമങ്ങളെല്ലാം പരാജയപ്പെട്ടെന്ന് പാക്കിസ്ഥാന്‍. പാക് പ്രതിരോധ മന്ത്രി ഖ്വാജ ആസിഫാണ് ഇരുരാജ്യങ്ങളും തമ്മിലുള്ള ബന്ധം പൂര്‍ണമായും തകര്‍ന്നുവെന്ന് പരസ്യമായി സമ്മതിച്ചത്. 

താലിബാന്‍ കാബൂള്‍ പിടിച്ചെടുത്തതിന് ശേഷം താന്‍ വ്യക്തിപരമായി അവരെ സ്വാഗതം ചെയ്യുകയും ബന്ധങ്ങള്‍ സുസ്ഥിരമാക്കുന്നതിനായി പലതവണ അഫ്ഗാനിസ്ഥാനിലേക്ക് പോവുകയും ചെയ്തുവെന്ന് അദ്ദേഹം പറഞ്ഞു. 

അഫ്ഗാനിസ്ഥാനില്‍ നിന്ന് നല്ല മാറ്റത്തിനുള്ള യാതൊരു സാധ്യതയും കാണുന്നില്ല. എല്ലാ പരിധികളും ലംഘിക്കപ്പെടുന്നത് വരെ പ്രതീക്ഷ എപ്പോഴും നിലനില്‍ക്കണം. എന്നാല്‍ ഇന്ന് തങ്ങള്‍ താലിബാനെ പൂര്‍ണമായും എഴുതിതള്ളുകയാണെന്നും അവരില്‍ ഒരു പ്രതീക്ഷയുമില്ലെന്നും ഖ്വാജ ആസിഫ് പറഞ്ഞു.