ഷിക്കാഗോയില് വന് ലഹരിമരുന്ന് വേട്ട; 175 പൗണ്ടിലധികം ലഹരിവസ്തുക്കളുമായി ഇന്ഡ്യാന സ്വദേശി പിടിയില്
By: 600002 On: Nov 21, 2025, 12:30 PM
പി പി ചെറിയാന്
ഷിക്കാഗോ: ഷിക്കാഗോയിലെ സ്ട്രീറ്റെര്വില് (Streeterville) അപ്പാര്ട്ട്മെന്റില് നടത്തിയ റെയ്ഡില് ക്രിസ്റ്റഫര് ജോണ്സ് (34) എന്ന ഇന്ഡ്യാന സ്വദേശി അറസ്റ്റിലായി. ഇയാളുടെ അപ്പാര്ട്ട്മെന്റില് നിന്നും വാഹനത്തില് നിന്നുമായി 175 പൗണ്ടിലധികം (ഏകദേശം 80 കിലോഗ്രാം) കഞ്ചാവും മറ്റ് സൈക്കെഡെലിക് കൂണുകളും (Psilocybin mushrooms) കണ്ടെടുത്തു.
ഏകദേശം 148 പൗണ്ട് കഞ്ചാവും 41 പൗണ്ട് സൈക്കെഡെലിക് കൂണുകളുമാണ് പിടിച്ചെടുത്തത്. ഇയാള്ക്കെതിരെ വന്തോതിലുള്ള ലഹരിവസ്തുക്കള് കൈവശം വെച്ചതിനും വിതരണം ചെയ്തതിനും ഉള്പ്പെടെ നിരവധി ഫെലണി (കഠിന കുറ്റം) കേസുകള് ചുമത്തി.
കോടതിയില് ഹാജരാക്കിയ പ്രതിയെ പ്രീ-ട്രയല് ഘട്ടത്തില് മോചിപ്പിച്ചു.